Әһли Бејт -АБНА- хәбәр аҝентлијинин вердији хәбәрә әсасән Сепаһ-ын Авиасија Гүввәләри команданы Иран Ислам Республикасынын Хәбәр Телеканалы илә мүсаһибәдә дејиб: :АБШ-ын реҝиондакы базаларыны Америка әразиси һесаб едирик”.
Сәрдар Әмир Әли Һаҹызадә Мүгәддәс Мүдафиә һәфтәсинә һәср олунмуш верилиш илә мүсаһибәдә һәмчинин дејиб: “Гоншу өлкәләрлә мүһарибә шәраитиндә дејилик вә бу өлкәләрлә бағлы пис һиссә дә малик дејилик. Әлбәттә, америкалылар өз игтисади проблемләрини һәлл етмәк үчүн Иранофобија сијасәтини изләјирләр ки, өз силаһларыны сата билсинләр”.
Сәрдар Әмир Әли Һаҹызадә Сепаһ-ын Авиасија Гүввәләринин ихтијарында олан РГ-170 пилотсуз тәјјарә һагда да дејиб: “Бу тәјјарә сон дәрәҹә мүасир вә мүрәккәб ҹасуслуг системинә маликдир ки, јалныз бу тәјјарәни ихтира едән америкалылар вә биз ондан хәбәрдарыг”.
Һаҹызадә даһа сонра билдириб: “У-2 тәјјарәсинин сабиг Совет Иттифагы тәрәфиндән јерә салынмасындан сонра бу америкалылар үчүн електрон мүһарибә саһәсиндә ән бөјүк мәғлубијјәт вә рүсвајчылыг сајылыр.
Сепаһ-ын Дәниз Гошунлары команданы Әли Фәдәви дә бу һагда дејиб: “Америкалылар Иран Ислам Республикасынын Дәниз Гошунларынын потенсиаллары илә гаршылашмаға гадир дејилләр”.
Әли Фәдәви АБШ вә даһа 25 өлкәнин Оман дәнизи әтрафындакы дәниз маневринин формал характер дашыдығыны билдирәрәк, енержи дашыјыҹыларына олан еһтијаҹларыны Фарс Көрфәзи һесабына тәмин едән өлкәләрә хитабән билдириб: “Америкалылар нәинки тәһлүкәсизлик амили дејилләр, әксинә, Фарс Көрфәзи мәнтәгәсиндә башлыҹа ҝәрҝинлик амили сајылырлар”.
Диггәт: Хәбәрдән истифадә етдикдә мәнбәјә истинад лазымдыр
