Әһли Бејт -АБНА- хәбәр аҝентлијинин вердији хәбәрә әсасән Сепаһын (Иран Ислам Ингилаб Кешикчиләри Корпусу) Баш Команданы Мәһәммәдәли Ҹәфәри сентјабрын 16-да журналистләрә ачыгламасында гурумун “Гүдс” ганады гүввәләринин Суријада Бәшшар Әсәд һөкумәтинә јардым ҝөстәрдијини тәсдиг едиб.
Баш Командан Мәһәммәдәли Ҹәфәри дејиб ки, Иран Ислам Республикасы Бәшшар Әсәд һөкумәтинә јардымы давам етдирәҹәк: “Һамы билир ки, Сепаһын Ислами һәрәкатлара јардым ҝөстәрмәк вә Ислам Ингилабыны ихраҹ етмәк үчүн “Гүдс” гүввәләриндән ибарәт бир ганады да вар. Һазырда һәмин “Гүдс” ганадынын бир сыра гүввәләри Суријададыр. Лакин һәмин гүввәләрин Суријада олмасы онларын һәрби фәалијјәт ҝөстәрмәси демәк дејил. Сепаһ гүввәләри садәҹә олараг Сурија һөкумәтинә мүхалифләрлә бағлы мүәјјән мәшвәрәт вә мәсләһәтләр верир, бу өлкәјә һәтта игтисади јардым да ҝөстәрир. Иран Ислам Республикасы Дәмәшгә етдији һәмин јардымларла фәхр едир”.
Диггәт: Хәбәрдән истифадә етдијдә мәнбәјә истинад лазымдыр
