Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назирлијинин рәсми нүмајәндәси Рамин Меһманпәрәст билдириб: “Иран Ислам Республикасы Ирагын “Әһли-Сүннә Фәтва Һејәти”нин катиби Шејх Мәһди әл-Сүмәјдаинин гәтлә јетирилмәсини писләјир”.
Рамин Меһманпәрәст бу гәтлин дини зәминдә зоракылығын артмасы вә Ислам үммәтиндә парчаланманын јаранмасы мәгсәдилә төрәдилдијини дејиб.
ИИР-ын ХИН нүмајәндәси Ираг дөвләтинин өз милли суверенлијини вә Ислам бирлијини горумаг үчүн тәдбирләр ҝөрәҹәјинә үмидвар олдуғуну билдириб.
Хатырладаг ки, Ирагын “Әһли-Сүннә Фәтва Һејәти”нин катиби шејх Мәһди әл-Сүмәјдаи өтән базар ҝүнү, Фитр бајрамы ҝүнүндә үч ҹан ҝүдәни илә бирҝә гәтлә јетирилиб.
Террор акты Бағдадын гәрбиндәки “әл-Јәрмук” мәнтәгәсиндә јерләшән “Өмәр Мухтар” мәсҹидиндән чыхаркән баш вериб.
Һадисә машын дајанаҹағындакы машынлардан биринә јерләшдирилмиш бомбанын партлајышы нәтиҹәсиндә һәјата кечмишдир.
Билдирәк ки, Мәһди әл-Сүмәјдаи Ирагда милли барышыға тәрәфдар олан ән нүфузлу сүнни дини лидерләрдән бири иди.
Диггәт: Хәбәрдән истифадә етдикдә мәнбәјә истинад лазымдыр
