Азәрбајҹан Республикасынын Дахили ишләр назири Рамил Усубов ҹәнабларына,
Азәрбајҹан Республикасынын Милли тәһлүкәсизлик назири Елдар Маһмудов ҹәнабларына,
Азәрбајҹан Республикасынын Баш прокурору Закир Гаралов ҹәнабларына,
Бакы шәһәр прокурору Әзиз Сејидов ҹәнабларына,
Азәрбајҹан Республикасынын Али Мәһкәмәсинин сәдри Рамиз Ризајев ҹәнабларына,
Бакы шәһәр апелјасија мәһкәмәсинин сәдри Иман Нағыјев ҹәнабларына,
Азәрбајҹан Республикасынын Мәһкәмә-һүгуг шүрасынын сәдри Фикрәт Мәммәдов ҹәнабларына,
Азәрбајҹан Республикасынын Али Мәһкәмә Пленумуна
Азәрбајҹан Республикасынын Конститусија Мәһкәмәсинин сәдри Фәрһад Абдуллајев ҹәнабларына
Бакы истинтаг тәҹридханасында тәгсирләндирилмиш шәхс гисминдә сахланылан "Толиши Сәдо” гәзетинин баш редактору, һүгуг мүдафиәчиси, физика-ријазијјат елмләри намизәди, досент Һилал Әлиф оғлу Мәммәдов тәрәфиндән
Мүраҹиәт
Мөһтәрәм назирләр, прокурор вә истинтаг ишчиләри вә һакимләр! Илк өнҹә һамынызы истинтаг тәҹридханасындан саламламагла јанашы, башыма ҝәтирилән бу һагсыз зүлм вә изтирабларын вә үнваныма јахылан ујдурма иттиһамларын иҹтимаји-сијаси фәалијјәтимлә бағлы сифаришли чиркин ојун олдуғуну вә сабаһ рүсвајчы формада ифша едиләҹәјини вә нәтиҹәдә онларла вә јүзләрлә һакимијјәт нүмајәндәләринин вә рәһбәрлик етдијиниз һүгуг мүһафизә орган ишчиләринин мәсулијјәтә ҹәлб едиләҹәјини там әминликлә бу ҝүн ҝөрдүјүм үчүн, Сизә бәзи ачыгламаларымы төвсијә вә хәбәрдарлыг етмәји бир вәтәндаш борҹу сајырам.
Мөһтәрәм назирләр, прокурор вә истинтаг ишчиләри вә һакимләр! Һагсыз һәбсимин артыг нәинки өлкәмиздә, бејнәлхалг аләмдә дә сијаси рәнҝ алдығыны вә өлкәмизин бејнәлхалг имиҹинә һәдсиз зәрбә вурдуғуну нәзәрә алараг, башыма ҝәтирилән зүлмүн үмуми мәзмуну гыса шәкилдә шәрһ етмәклә јанашы јаранмыш бу хошаҝәлмәз вәзијјәтдән чыхыш јолуну да бир алим вә иҹтимаи-сијаси просесләринин елми аналитик бир тәдгигатчысы кими нәзәринизә чатдырмаг истәјирәм.
Сиздән ҝизләтмирәм ки, јалныз бир ријазијјатчы алим кими јох, һәм дә информатика вә кибернетика мүәллими вә информасија просесләринин информасија ҹәмијјәтиндәки гејри-сәлист тәкамүлүндә ролу барәдә бир тәдгигадчы алим кими, интернет сајтларында (әсасән, Јоутубе сајтында) јерләшдирдијим 300-дән артыг видео-роликин әсас мәғзини инсанлары дүшүндүрмәк, сағлам вә аздадфикирли олмаға чағырмаг, өз һүгугларыны танымаг вә горумаг; бири-бириләринин милли-етник мәдәнијјәтләринә һөрмәт вә мәһәббәтлә јанашмаг; дүнјанын ҝөркәмли корифеј алимләринин һәјат вә јарадыҹылығындан бир ибрәт ҝөтүрмәк; Вәтәнини, онун һәр гарышыны, дағ вә мешәләрини, чај вә дәнизини Аллаһын бир еһсаны биләрәк гајғысына галмаға чағырмаг; хариҹи мәмләкәтләрдә, о ҹүмләдән, Иран, Русија, Түркијә, Авропа, АБШ вә диҝәр өлкәләрдә јашајан сојдашларла һеш бир сојуг рәсми сијаси мүнасибәтләрдән асылы олмајараг милли-мәдәни әлагәләрини јаратмаг вә бәрпа етмәк азадлығына саһиб олмаг вә и.а. мотивләр тәшкил едир.
Мөһтәрәм ҹәнаблар! Редакторлуг етдијим "Толиши Сәдо” ("Талышын Сәси”) гәзетинин ники илә гојулан бу видео-роликләрдән бири дә "Ти кто такој, давај досвиданија” адланыр ки, бу ҝүн артыг јүзмилјонларла инсанларын дилләринин әзбәринә чеврилмишдир.
Һамынызы бир даһа әмин едирәм ки, бу видео-роликин һәм сајта гојулмасында, һәм дә јајылмасында бир сијаси мәгсәдим олмајыб. 12 ијун 2012-ҹи илдә Астарада НТВ Руссија телеканалынын чәкилиши илә кечирилән "Талыш мејхана вә фолклор ҝеҹәсиндә” сәсләндирдијим "Евровисиона онмилјонларла пуллар сәрф олунса да, биз бир гәпик белә сәрф етмәдән һәм өлкәмизи, һәм талышлары, һәм ҝөркәмли шаир Әлиаға Ваһиди вә мејханамызы дүнјаја танытдырдыг” месажы да конкрет олараг кимәсә гаршы јөнәлдилмиш сијаси бир месаж олмајыб, бир даһа инсанлары, о ҹүмләдән һакимијјәти дүшүндүрмәјә - онлары сағлам вә демократик ислаһатлар уғрунда мүбаризәјә чағырмаг нијјәти иди.
Әфсуслар олсун ки, бу сағлам нијјәтим ән амансыз вә әхлагсыз бир гәддарлыгла һәбсимлә нәтиҹәләнди. Сүбутум исә ашкардыр: Мән онминләрлә тәләбә вә шаҝирдләрә нәинки ријазијјаты, һәм дә әдәб-әхлаг-мәдәнијјәт-һүгуг-дин-тарих-әдәбијјат-фәлсәфә вә и.а. саһәләри дә фүрсәт икән тәдрис вә тәлгин едән бир мүәллимә вә алимә гаршы мин бир зүлм едәрәк, ҹибләринә наркотик сохмаг һансы ганун вә әдәб-әхлаг нормасына сығышар???
Мөһтәрәм Ҹәнаблар! Өвладларымызын тәдрис алдыгларыни али мәктәбләрдән дә кимлијими өјрәнә биләрсиниз. Бәзиләринизин өвладларынызын ҝөз јашларыны да унутмајын, һеч олмазса о мүбарәк ҝөз јашларына бир дәјәр верин... Али вә орта тәһсил мәктәбләриндә һәр һансы бир формада рүшвәт вә коррупсијанын барышмаз бир мубаризи кими дә мәни јахшы таныјырлар... Һәбсимдән бир нечә ај өнҹә дәрҹ етдијим "Бизнес Университетини тәрк етмәјимлә баҝлы олараг тәләбә вә ҝәнҹләр гаршысында бәзи ачыгламаларым” адлы ири һәҹмли елми-әхлаги јазыны һамынызын охуманызы риҹа едирәм. Интернет сајтларында асанлыгла тапаҹағыныз бу јазымда кимлијими бир даһа дәрк едәҹәјинизә шәк етмирәм...
Мөһтәрәм ҹәнаблар! Өз иҹтимаи-сијаси елми јарадыҹылығыны сағлам вә шәффар бир мүстәвидә гуран бир алим-мүәллими вәһшиҹәсинә дөјүб-сөјәрәк зорла машына отуздуруб "Наркотика баш идарәсинә" ҝәтириб вә орада ҹибиндән ҝуја нәшә чыхдығыны ашкар едән гуввәләр Сизҹә кимә хидмәт едир? Кимдир онлара бу сифариши верән? Кимдир онлары – бу 6-7, 25-30 јашлы ҝәнҹләри бу гәдәр вәһши вә әхлагсыз формада тәрбијә едәнләр? Кимдир онларын мүәллимләри? Кимдир валидејнләри? Нәинки евимин јанында, мүлкү машында икән вәһшиҹәсинә мәни дөјән, милли етник мәнсүбијјәтими тәһгир едән бу ҝәнҹләри бу гәдәр залым едән, мәрһәмәт һиссләрини онлара унутдуран һансы мәктәбдир, һансы гүввәләрдир? Һәр дәфә мәнә зәрбәләр ендирәндә, башларына ҝәләҹәк ејни зүлмләри ҝөрүб һалларына аҹыјырдым...
Наркотика идарәсиндә олдуғум о 5-6 саат мүддәтиндә әлимдән ҝәлән бүтүн васитәләрлә онлары әдәб вә әхлага дәвәт етдим, зүлмләриндән әл чәкмәјә чағырдым.
Бу ҝәнҹләр руһи сарсынтылар ичәрисиндә чабалајырдылар. Елә бил ки, бөјүк бир ҹинајәтә әл атдыгларыны һамысы шүурлу шәкилдә дәрк едирди. Мәни дөјән әсас ҝәнҹин исә әлләри әсирди, әсәбләри гәтијјән јериндә дејилди. Мәним тәкидимлә рәисләри, бу ҝүнәҹән үзүмә бир иҝидлик рәмзи сајдығым ики дәфә Совет Иттифагы гәһраманы ҝенерал Һәзи Аслановун нәвәси Һәзи Асланов мәнимлә ҝөрүшдү. Инсафән мәнимлә чох мәдәни формада мәни гәбул етсә дә, онун да бу мәзлум һалына аҹыдым...
Мөһтәрәм Ҹәнаблар! Мөһтәрәм ҝенераллар вә диҝәр рүтбәли һүгуг-мүһавизә ишчиләри! Сиз дејин, нә баш верир бу ҝүн өлкәмиздә? Нә үчүн билаваситә Сизин чијинләринизә дүшән вәзифә мәсуллијјәтинин сабаһкы аҹы нәтиҹәләрини дүшүнмүрсүнүз? Сиз дејин, сабаһ бу сифаришин архасында дуран о һагсыз гүввәләр Мәһшәр ајағына чәкиләндә Сизә јенә дә архамы дураҹаглар? Бејнәлхалг аләмдә сон хошаҝәлмәз һадисәләр бир нүмунә ибрәт дејилми Сизә? Мәнә вә мәним кими онлар вә јүзләрлә диҝәр азадфикирли инсанлара гаршы јахылан бу гара ләкәләрин архасында кимләр дајаныр?
Мөһтәрәм һүгуг-мүһафизә орган әмәкдашлары! Сизин мәтбуат хидмәтләриниз тәрәфиндән нөвбәти јајылан мәлуматларда да билдирилдији кими, инди дә мәнә сон ҝүнләрә гәдәр һүгугларыны мүдафиә етдијим Республика Талыш Мәдәнијјәт Мәркәзинин (РТММ) вә "Толышы Сәдо” газетинин баш редактору олмуш вә дөвләтә хәјанәт (274 м.) кими ујдурма иттиһамы илә 10 ил азадлығдан мәһрум едилмиш профессор Новрузәли Мәммәдова 2007-ҹи илдә јахылан бүтүн гара ләкәләр бу дәфә нөгтә вә верҝүлүнә тохунмадан шамил едилир. Садәҹә олараг, "Новрузәли” јеринә "Һилал” јазылмагла вә "Сәһәр-2” телеканалына мүсаһибәләрим дә бу "вәтәнә хәјанәтин” тәркиб һиссәси кими әлавә едилмишдир.
2007-ҹи илдә рәһмәтлик Новрузәли мүәллимлә бағлы МТН-дә вә Ағыр ишләр үзрә мәһкәмәдәки ифадә вә чыхышларымда истәр мүстәнтигин, истәрсә дә прокурорун вә һакимләрин бүтүн суалларына шәффав шәкилдә вердијим ҹаваблар дүнја медиасында ишыг үзүнү ҝөрмүшдүр. Әслиндә истәр өлкәдахили, истәрсә дә хариҹдә иҹтимаи-сијаси фәаллијәтимдә там шәффав формада гурдуғумдан бу ҝүн дә нәинки өлкә, о ҹүмләдән бејнәлхалг иҹтимаијјәтдән дә ҝизләдиләси һеч нәјим олмамышдыр... Иранын Сәһәр-2 телеканалына вердијим мусаһибәләр исә, истәр "Азадлыг”, истәр ББҸ, истәр диҝәр КИВ-вә вердијим мусаһибәләрдән зәррә гәдәр фәргләнмир. Садәҹә олараг, бу ҝүн Азәрбајҹан һакимијјәтинин анти-Иран сијасәтиндә мәнә вә минләрлә диҝәр азадфикирли гардаш-баҹыларымыза гаршы бир ОВ фүрсәти дүшмүшдүр. Сон ҝүнләр Иран ТВ вә медиасында һагсыз һәбсимлә бағлы ҝедән материаллара да ијрәнҹ гысганҹлыгла јанашан гуввәләр буну да мәнә гаршы чевирмәк истәјирләр. Һалбуки, бу ҝүн бүтүн дүнја медиасы тамамилә һаглы олараг бу һагсыз һадисәләрә сијаси рәнҝ вермәкдәдирләр...
Өзләрини ҝуја АБШ, Исраил ја Авропа өлкәләринә антиИранчы кими ҝөстәрмәк истәјән бу үнсүрләр әслиндә бу өлкәләр
