Әһли Бејт -АБНА- хәбәр аҝентлијинин вердији хәбәрә әсасән Франсада шәнбә ҝүнү чыхан "Франсуа Оланд Ермәни ҹәмијјәтини телефонла ахтарды" иддиалары Јелисеј Сарајындан ҝәлән ачыглама илә рәсмән тәсдигләнди.
Ачыгламада президент Ф.Оландын радикал иргчи Дашнак Партијасынын Гәрби Авропа идарәчиси Мурад Папазјана телефон ачдығы ифадә едилир. Папазјан президент Оландын сечки вәди олан "Ујдурма Ермәни сојгырымы рәддинә ҹәза" ганунуну гәбул етмәк һаггындакы сөзүнүн үстүндә дураҹағыны сөјләјиб. (ДҺА)
Лакин өтән һәфтә Сурија илә әлагәдар кечирилән јығынҹаг әснасында Түркијә хариҹи ишләр назири Әһмәд Давудоғлу илә чох сәмими бир диалог ичиндә олан Франса хариҹи ишләр назири Лаурент Фабиус вердији мәтбуат конфрансында "ујдурма сојгырымын рәддинә ҹәза" ганунунун конститусија шурасы тәрәфиндән "Конститусијаја зидд" олдуғу үчүн гаршысынын алындығыны, гәбул едилә биләҹәк бир башга ганунун ејни агибәтә уғрајаҹағы үчүн бир даһа Франсанын белә бир ганун гәбул етмәјәҹәјини ифадә етмишди. Бу ачыглама ермәни диаспорунун радикал миллијјәтчи һиссәсиндә чахнашмаја сәбәб олмушду.
Диггәт: Хәбәрдән истифадә етдикдә мәнбәјә истинад лазымдыр
