Әһли Бејт -АБНА- хәбәр аҝентлијинин вердији хәбәрә әсасән Ермәнистанда мүхалиф Ермәни Милли Конгресинин парламентдәки групунун нүмајәндәси вә Ермәнистан Милли Һәрәкаты Партијасынын лидери Арам Манукјан пајыз ајларында Ермәнистанла Түркијә сәрһәдинин “ачылаҹағына” ишарә едиб.
Түркијә мәтбуатынын ачыгламасына ҝөрә, Дағлыг Гарабағ проблемијлә Түркијә-Ермәнистан сәрһәдинин ачылмасы мәсәләсинин бир-биријлә әлагәдар олдуғуну дејән ермәни сијасәтчи “Бу пајызда сәрһәдләрин ачылмасы мәсәләсиндә сүрәтли просесләрин баш вермәси еһтималы јүксәкдир”, – дејиб.
Бөлҝәдә ҝәрҝинлијин артмагда олдуғуну вә Ермәнистанын бу просесдән кәнарда галмајаҹағыны дејән Манукјан әлавә едиб: “Түркијә-Ермәнистан сәрһәдинин ачылмасы пајызда әсас приоритетләрдән бири олаҹаг. Бу да Дағлыг Гарабағ проблеминин һәллиндә әсас факторлардан биридир”.
Диггәт: Хәбәрдән истифадә етдикдә мәнбәјә истинад лазымдыр
