Әһли Бејт -АБНА- хәбәр аҝентлијинин вердији хәбәрә әсасән Сон ҝүнләр һазырда һәбсдә сахланылан кечмиш сәһијјә назири Әли Инсановла бағлы бир һәрәкәтләнмә баш галдырыб. Хатырладаг ки, бир нечә ҝүн әввәл өлкәнин танынмыш сималары адындан Авропа Инсан Һагглары Мәһкәмәсинин рәһбәрлијинә Әли Инсановун азадлыға бурахылмасы үчүн мүмкүн тәдбирләрин ҝөрүлмәсинә дәстәк олмалары истигамәтиндә мүраҹиәт үнванланмышды.
Ону да билдирәк ки, сәһһәтиндә проблемләри олан (Әли Инсанов бел фытығындан әзијјәт чәкир -ред.) кечмиш сәһијјә назири илә бағлы мәсәләнин бејнәлхалг гурумлар тәрәфиндән рәсми Бакынын гаршысында бир тәләб шәклиндә гојулмасы барәдә хәбәрләр јајылыб. Артыг АИҺМ-дән Азәрбајҹан һакимијјәтинә Әли Инсановла бағлы сорғу да ҝөндәрилиб ки, һәмин сорғунун мәтниндә рәсми Бакыдан кечмиш назирин һәм сағлыг дуруму вә һәм дә онунла бағлы һүгуги проседурла әләгаәдар һесабат истәнилиб.
Бу арада редаксијамыза бир башга истигамәтдән дахил олан мәлуматда исә билдирилир ки, әсасән пајтахт Бакыда мәскунлашан јеразлар арасында Әли Инсановун азадлыға бурахылмасы үчүн имзатоплама кампанијасы һәјата кечирилмәкдәдир. Һәмин кампанија чәрчивәсиндә имзасыны атмыш Бакы сакинләриндән биринин сөзләринә ҝөрә, имзаладығы бланкын јухарысында да гејд олунубмуш ки, имзалајан шәхсләр Азәрбајҹан Республикасынын президентиндән Әли Инсановун азадлыға бурахылмасы үчүн ҝөстәриш вермәсини истәјирләр.
Диггәт: Хәбәрдән истифадә етдикдә мәнбәјә истинад лазымдыр
