Әһли Бејт -АБНА- хәбәр аҝентлијинин вердији хәбәрә әсасән Чин Хариҹи Ишләр Назирлијинин рәсми нүмајәндәси Лју Вејмин билдириб: “Чин ИИР нефтинин идхалыны давам етдирмәк нијјәтиндәдир, чүнки бу идхал гануни вә шәффаф шәкилдә һәјата кечирилир, БМТ гәтнамәләринә зидд дејил вә диҝәр өлкәләрин марагларына зәрәр вурмур.
Онун сөзләринә ҝөрә, Вашингтон өз анти-Иран санксијалары сијаһысындан артыг 7 өлкәни – Һиндистан, Малајзија, Ҹәнуби Кореја, Ҹәнуби Африка, Шри-Ланка, Түркијә вә Тајваны хариҹ едиб. Буна сәбәб һәмин өлкәләрин Иран Ислам Республикасындан сатын алдыглары хам нефтини һәҹмини азалтмасыдыр. Март ајында Белчика, Чехија, Франса, Алманија, Јунаныстан, Италија, Јапонија, Һолландија, Полша, Испанија вә Инҝилтәрә дә сијаһыдан чыхарылыб. Санксијалар 180 ҝүн, бәлкә дә даһа узун мүддәт әрзиндә тәтбиг олунмајаҹаг.
Хатырладаг ки, АБШ Конгреси ҹари илин әввәлиндә администрасијаја Иран Исла Республикасы илә разылашма имзалајан хариҹи малијјә институтлары вә ширкәтләрә гаршы әлавә биртәрәфли санксијалар тәтбиг етмәк һүгугу вериб.
Бу аддымын мәгсәди хариҹи дөвләтләри Иран Ислам Республикасынын нефтини сатын алмагдан имтина етмәк мәҹбуријјәти гаршысында гојмагла, Ислам Республикасы игтисадијјатынын малијјәләшдирилмәсини азалтмаг, һәмчинин ИИР-ы Мәркәзи Банкынын тәҹрид олунмасыдыр.
Диггәт: Хәбәрдән истифадә етдикдә мәнбәјә истинад лазымдыр
