Әһли Бејт -АБНА- хәбәр аҝентлијинин вердији хәбәрә әсасән Бакы Дөвләт Университетинин профессору Мајис Әлијевин БДУ-да Јавәр Ҹамаловун оғлу тәрәфиндән дөјүлмәси барәдә хәбәри илк олараг “Олајлар” јајыб. Дүнән исә “Јени Мүсават” гәзети һадисәнин тәфәррүатларыны јазыб.
Гәзетин јаздығына ҝөрә, Һүгуг факүлтәсинин сосиал тәминат һүгугу фәннини тәдрис едән мүәллими, профессор Мајис Әлијев назир оғлунун нишанлысына телефонла ојнадығы үчүн ирад тутуб вә ону аудиторијадан чыхарыб. Бундан јарым саат сонра назирин оғлу вә мүһафизәчиләри университетә ҝәлиб. Онлар аудиторијаја ҝирәрәк Мајис мүәллимдән дәрһал ханымдан үзр истәмәји тәләб едиб. Профессор буну етмәјәҹәјини дејиб вә бу заман назир оғлу ону тәһдид етмәјә башлајыб. Буну ҝөрән груп ушаглары мүәллимин мүдафиәсинә галхыб вә араны сакитләшдирмәјә чалышыблар. Бундан сонра назир оғлу Мајис мүәллими итәләјәрәк јыхыб вә тәпикләмәјә башлајыб. Бир нечә санијәлик чашгынлыгдан сонра тәләбәләр һадисәјә мүдахилә едиб, назир оғлу мәҹбур галыб БДУ-ну тәрк едиб.
“Азадлыг” исә назир оғлунун нишанлысынын кимлији барәдә мараглы мәлумат әлдә едиб. Мәлуматда билдирилир ки, һәмин ханым тәләбә прокурор гызыдыр. Онун атасы Республика Прокурорлуғунда чалышыр.
Диггәт: Хәбәрдән истифадә етдикдә мәнбәјә истинад лазымдыр
