Әһли Бејт -АБНА- хәбәр аҝентлијинин вердији хәбәрә әсасән Әрдәбил әјаләтинин руһаниләри вә тәләбәләри Биләсувар сәрһәд мәнтәгәсиндә аксија кечирәрәк, Азәрбајҹан Республикасы халгы вә һөкумәтини Авровизија маһны мүсабигәсинин ләғвинә чағырыблар.
Әрдәбил әјаләтинин Мишкиншәһр, Биләсувар, Әрдәбил, Парсабад шәһәрләриндән ҝәлмиш руһаниләри вә тәлбәләриндән ибарәт минләрлә нәфәр ҹүмә ахшамы Биләсувар сәрһәд мәнтәгәсиндә јерли вахтла саат 13:00 - 16:00 кими Бакыда Авровизија маһны мүсабигәсинин кечилимәсинә етираз олараг, пикет кечириб.
Аксијанын иштиракында Әрдәбил әјаләтинин руһаниләри вә тәләбәләри бир бәјанат јајараг, Бакыда Авровизија маһны мүсабигәси вә Ҝај Парадын кечирилмәсини тәнгид едиб вә Иран Ислам Республикасы рәсмиләриндән Азәрбајҹанын Теһрандакы сәфирини Хариҹи Ишләр Назирлијинә чағырараг, бу етиразы дипломатик сәвијјәтә онун диггәтинә чатдырмаларыны истәјибләр.
Аксија иштиракчылары бәјанатын сонунда Азәрбајҹан халгы вә һөкумәтини бу мүсабигәнин ләғвинә чағырыблар. Онлар билдирибләр ки, Гарабағын азад едилмәси јалныз Имам Һүсејн Мәктәбинә архаланмагла мүмкүн олан ишдир. Мүхтәлиф мусиги вә фәсад төрәдиҹи програмлар васитәси илә һеч заман халгын гејрәт вә шәрәфин јашатмаг олмаз.
Аксијада "Азәрбајҹан Шиәси Гәбул Етмәз Зилләти" вә "Азәрбајҹан Дөвләти Гарәт Едиб Гејрәти" “Мүсәлманын Сәрвәти Олуб Јәһуд Гарәти” шүарлары сәсләндирибләр.
Диггәт: Хәбәрдән истифадә етдикдә мәнбәјә истинад лазымдыр
