Әһли Бејт -АБНА- хәбәр аҝентлијинин вердији хәбәрә әсасән ИИР-нын Ислам Шурасы Парламентинин спикери Әли Лариҹани дејиб: “Иран халгынын һагларыны бөлҝәдә вә дүнјада мүдафиә етмәкдә гәрарлыјыг”.
О билдириб ки, әҹнәбиләрин Иран торпагларына ән кичик һүҹумуна белә иҹазә верилмәјәҹәк: “Бәзи Гәрб өлкәләри Иранла бөлҝә өлкәләри арасында ихтилаф вә тоггушмалар јаратмаг үчүн ссенариләр һазырлајырлар. Биз онлардан ҝөзләнилән зәрәрин гаршысыны алмаға чалышырыг. Үмид едирик ки, халглар ојаныб дүшмәнләрин ојунларына аләт олмајаҹаглар”.
Ә. Лариҹани әлавә едиб ки, дүшмәнләрин Ислам Республикасына гаршы тәхрибатларыны зәррәсизләшдирмәк ваҹиб мәсәләдир: “Фарс көрфәзини ујдурма исимләрлә адландырмаға чалышанлар вар. Иран тарихиндәки сәнәдләрдә бу әрази “Фарс көрфәзи вә она аид адалар” олараг гејд едилиб. Буну исбат едән кифајәт гәдәр сәнәд вә дәлил вар”.
Диггәт: Хәбәрдән истифадә етдикдә мәнбәјә истинад лазымдыр
