Әһли Бејт -АБНА- хәбәр аҝентлијинин вердији хәбәрә әсасән Суријанын БМТ-дәки даими нүмајәндәси Бәшәр Ҹәфәри Истанбулда кечирилән гондарма “Сурија Халгынын Достлары Групу”нун икинҹи конфрансына мүнасибәт билдирәркән дејиб: “Түркијә фактики Суријаја мүһарибә елан етди!”.
“САНА” аҝентлијинин мәлуматына ҝөрә, БМТ-нин гәрарҝаһында мәтбуат конфрансы кечирән Ҹәфәри дејиб ки, Түркијә Суријанын мүстәгиллијини позмаға јөнәлән бир тәдбирә ев саһиблији едиб. Бу исә Суријаја мүһарибә елан етмәкдир.
Ҹәфәри бу топланты илә БМТ вә Әрәб Лигасынын хүсуси тәмсилчиси Кофи Аннанын миссијасына әнҝәл јарадылдығыны да иддиа едиб. О билдириб ки, Аннан Сурија һакимијјәти илә јалныз өзүнүн диалог апараҹағыны вәд етмишди. Анҹаг бәзиләри паралел јоллар јарадараг Аннанын тәшәббүсүнүн гаршысыны алмаға чалышырлар. “Истанбулда кечирилән Суријанын дүшмәнләринин топлантысы буна ән јахшы мисалдыр”, - дејә о гејд едиб.
Истанбул конфрансыны Кофи Аннанын миссијасына зидд адландыран Ҹәфәри билдириб ки, Түркијә Суријаја гаршы дүшмәнчилик сијасәти јүрүдүр.
Диггәт: Хәбәрдән истифадә етдикдә мәнбәјә истинад лазымдыр
