Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын тәшәббүсү илә тәшкил олунан дүнјанын 13 өлкәсиндән 150 ҝәнҹ фәал "Гүдсә Доғру Јүрүш" бејнәлхалг карванына старт верәрәк артыг Түркијәнин Тасуҹу лиманындан Ливанын пајтахты Бејрута ҝетмәк үчүн аралыг дәнизи вастәси илә Ливанын шималында јерләшән Траблос шәһәринә дахил олублар.
Онларын арасында Азәрбајҹандан фәаллар да вар. "Гүдсә Доғру Јүрүшү" бејнәлхалг карванын Бејрутдакы програмлары мәлум дејилдир. Лакин онларын програмларындакы сонунҹу иш 30 март ҹүмә ҝүнү гуру јолу илә Ливанын исраил режими тәрәфиндән ишғал едилмиш Фәләстин сәрһәдинә ҝедәрәк орада исраилин фәләстинлиләрә гаршы ишғал сијасәтинә етираз етмәкләридир.
Аксијада иштирак едән иранлы шаир Насир Фајез билдириб ки, онларын мәгсәди Гәрб өлкәләринә Фәләстин мәсәләсинин һәлл олунмадығыны хатырлатмагдыр. "Биз исраилә вә Америка Бирләшмиш Штатларына бәјан етмәк истәјирик ки, Фәләстин мәсәләси һәлә баша чатмајыб. Биз онлара фәләстинлиләрин ҝүнаһсыз олдуғуну, онларын исә зүлмкар олдугларыны билдирмәјә ҝедирик. исраилдән фәләстинлиләрин торпағыны гајтармағы тәләб етмәјә ҝедирик" - дејә, Насир Фајез билдириб.
Гејд едәк ки, мартын 30-да Гүдсдә "Гүдсә Доғру Јүрүшү"нүн иштиракчыларына Африка вә Авропадан олан фәаллар да гошулаҹаг. Фәләстинлиләр мартын 30-ну 1976-ҹы илин бу ҝүнүндә Исраилдә Фәләстин торпагларынын ишғалына етираз аксијасында өлән 6 нәфәрин хатирәсини јад етмәк мәгсәдилә "Фәләстин Торпағы Ҝүнү" кими гејд едирләр.
Хатырладаг ки, Түркијә дөвләтинин "Гүдсә Доғру Јүрүшү" бејнәлхалг карванын Әфганыстан вә Пакистан нүмајәндәләринә виза вермәмәси уҹбатындан бу карвандан ајры дүшмүш фәаллар һава јолу илә Теһрандан Дәмәшгә учараг орадан да бир груп Бәһрејн вә Иранлылардан ибарәт карванла бирҝә Бејрута ҝедәрәк "Гүдсә Доғру Јүрүшү" бејнәлхалг карванына гошулмушдурлар.
P.S. Пислик Түркијәјә галды.
Диггәт: Хәбәрдән истифадә етдикдә мәнбәјә истинад лазымдыр
