Әһли Бејт -АБНА- хәбәр аҝентлији- ДИА.АЗ јазыр - Мәлум олдуғу кими, кечән һәфтә һүгуг-мүдафиәчиләри президент администрасијасында ҝөзләнилән әфв фәрманы илә бағлы мүзакирәләрә дәвәт олундулар вә бундан сонра һазырланан әфв сијаһысынын президентә тәгдим едилмәси илә бағлы мәлуматлар јајылды. Бу барәдә ДИА.АЗ-а информасија верән һөкумәт ичиндәки гајнаглар иддиа едир ки, һүгуг-мүдафиәчиләринин сијаһысында бир сыра сијаси мәһбусларла јанашы, Азәрбајҹан Ислам Партијасынын сәдри Мөвсүм Сәмәдовун да адынын јер алмасына бахмајараг, сонда онун адынын үзәриндән хәтт чәкилиб.
Мәнбәмиз билдирир ки, һүгуг-мүдафиәчиләри Мөвсүм Сәмәдовун адыны ПА-нын истәји илә сијаһыдан чыхарыблар. Јәни АИМ сәдринин ады ПА-ја һүгуг-мүдафиәчиләри тәрәфиндән тәгдим едилән јекун сијаһыда јер алмајыб: «Тәбии ки, бунун сәбәбләри ајдындыр. Бир јандан Иранын азәрбајҹан дөвләтинә вә Азәрбајҹанын дөвләт рәһбәрләринә гаршы апардығы гара пиар кампанијасы, диҝәр јандан да Мөвсүм Сәмәдовун бир иранмејилли сијасәтчи кими етдији тәһгирамиз чыхышлар һакимијјәти белә бир аддымы атмаға вадар едиб».
Диггәт: Хәбәрдән истифадә етдикдә мәнбәјә истинад лазымдыр
