Әһли Бејт -АБНА- хәбәр аҝентлијинин вердији хәбәрә әсасән Пакистанын Азәрбајҹандакы сәфири Инајәт Какарын медијаја вердији мүсаһибәсиндә Пакистан халгынын даим Азәрбајҹан халгы илә һәмрәј олдуғуну билдирмишдир.
Сәфирә үнванланан “Ермәнистанла һәрби әмәлијјатлар башлајарса Пакистан Азәрбајҹана көмәк едә биләҹәкми?” суалына ҹәнаб сәфир белә ҹаваб вермишдир:
- Әҝәр Азәрбајҹан өз ишғал алтында олан торпагларыны һәрби јолла азад етмәк гәрарына ҝәлсә, Пакистан Азәрбајҹанын истәдији кими давранаҹаг. Ермәнистанла мүһарибә олаҹағы тәгдирдә Пакистан Азәрбајҹаны һәмишә мүдафиә едәҹәк.
Сәлаһијјәтли Сәфир сөзүнә давам едәрәк демишдир: “Билдијиниз кими Пакистан Ермәнистанын мүстәгиллијини танымыр. Һәмчинин Азәрбајҹан Кәшмир мәсәләсиндә Пакистанын мөвгејини дәстәкләјир. Лакин Азәрбајҹан вә Пакистан бејнәлхалг принсипләр әсасында һәрәкәт едирләр. Билдијиниз кими, БМТ Тәһлүкәсизлик Шурасы Дағлыг Гарабағ вә Кәшмир мүнагишәләри илә бағлы гәтнамәләр гәбул едиб. Бунунла да Азәрбајҹан вә Пакистан бејнәлхалг принсипләрә әсасында бир-бирини дәстәкләјир”.
Диггәт: Хәбәрдән истифадә етдикдә мәнбәјә истинад лазымдыр
