Әһли Бејт -АБНА- хәбәр аҝентлијинин вердији хәбәрә әсасән өтән ҝүн абш-да сионист исраил режиминин лобби групу олан америка-исраил Иҹтимаи Әлагәләр Комитәләри Конфрансы кечирилиб. Һәр ил кечирилән вә исраил-абш мүнасибәтләринин јахшылашмасына хидмәт едән конфранса абш президенти Барак Обама да гатылыб.
абш президентинин чыхышындан әввәл бир нечә бејнәлхалг медиа тәшкилаты јазыб ки, Иран Ислам Республикасынын нүвә програмыны сырадан чыхармаг үчүн сионист режими исраилин зәрбәси гачылмаздыр.
Б.Обама исә дејиб: «Хаһиш едирәм һамымыз бу мәсәләләрин чәкисини јадда сахлајаг. исраил, америка вә бүтүн дүнја үчүн рискләри нәзәрә алаг. Онсуз да мүһарибә сөһбәти чох јајылыб. Сон бир нечә һәфтә әрзиндә бу данышыглар јалныз Иран һөкумәтинин хејринә ишләјиб, нефтин гијмәтини галдырыб. исраилин, американын тәһлүкәсизлији наминә инди һәдә-горху вахты дејил».
Обама етираф едиб ки, Иранын нүвә силаһы јохдур, абш вә исраил Иранын нүвә програмыны диггәтлә изләјир. О, Иран Ислам Республикасына тәтбиг олунмуш санксијаларын ишләмәси үчүн исраил лобисиндән аҹизанә вахт истәјиб.
Парадокс
Обамадан сонра чыхыш едән исраил режиминин президенти Шимон Перес һәмишәки кими Иран Ислам Республикасына гаршы сәрт данышараг, нүвә силаһлы Иранын нәинки Исраил, һәтта дүнја үчүн бөјүк тәһлүкә олдуғуну бөјүк бир шивәнликлә иддиа едиб.
Сонда Шимон Перес чохдан истеһлак тарихи битмиш јәһуди тактикасына кечәрәк исраилин мүһарибә дәһшәтләри ҝөрдүјүнү вә Иран Ислам Республикасы илә мүһарибә етмәк фикриндә олмадығыны десә дә, гујруғуну буллада-буллада “белә бир мүһарибәнин баш верәҹәји тәгдирдә, галиб ҝәлән дөвләтин мәһз исраил олаҹағыны" дејиб.
Гејд едәк ки, бу ҝүн ејни заманда сионист исраил режиминин баш назири Бенјамин Нетанјаһунун исраил-абш конфрансында чыхыш едәҹәји ҝөзләнилир. Ҝөрүшдән әввәл назир Барак Обаманын гәбулунда олаҹаг.
Диггәт: Хәбәрдән истифадә етдикдә мәнбәјә истинад лазымдыр
