Әһли Бејт -АБНА- хәбәр аҝентлијинин вердији хәбәрә әсасән Февралын 13-дә Азәрбајҹан Ислам Партијасы гурумун 2 ил әввәл һәбс олунан үзвләри Елмар Сәмәдов, Елчин Аббасов, Сејмур Һүсејнов, Ағаәли Јәһјајев вә Билал Әһмәдова һәср олунмуш мәтбуат конфрансы кечириб.
Бу шәхсләр 2010-ҹу ил февралын 13-дә Бакынын “Һаҹы Султанәли” мәсҹидиндә Мәһәммәд пејғәмбәрин вәфаты илә әлагәдар әзадарлыг кечирәндән сонра Шәһидләр хијабаныны зијарәт етмәк истәркән тутулублар вә үмумиликдә 21 ил 6 ај мүддәтинә һәбс ҹәзасы алыблар.
АИП сәдринин мүавини Акиф Һејдәрли дејиб ки, Азәрбајҹан Ислам Партијасынын әсас тәләбләри ишғал алтында олан торпагларын азад едилмәси, еләҹә дә мәнәвијјата вурулан зәрбәләрин арадан галдырылмасыдыр: “Өлкә исламчыларыны тәһлүкә мәнбәји кими тәгдим етмәјә чалышырлар. Онларын үзүнә дурараг јаланчы шаһидлик едән шәхсләр исә ҹәмијјәтә нормал инсанлар кими тәгдим едилир. Һалбуки јаланчы шаһидләр өлкәнин мүстәгиллијинә вә тәһлүкәсизлијинә ән ҹидди тәһлүкә һесаб олунмалыдыр. Бу ҝүн сахта иттиһамларла һәбс едилән шәхсләрин әлејһинә јаландан ифадә верән шәхсләр сабаһ вәтәни вә торпағы сатаҹаг”.Акиф Һејдәрли етираз аксијалары, митинг кечирмәк үчүн дәфәләрлә Бакы Шәһәр Иҹра Һакимијјәтинә јазылы мүраҹиәтләр етдикләрини, лакин һеч бир мүсбәт ҹаваб алмагдыгларыны вә бунунла да конститутсион һагларынын позулдуғуну вурғулајыб.
“Бирлик” тәшкилатынын сәдри Вүсал Һәтәмов диндарлары өлкәнин иҹтимаи- сијаси һәјатындан узаглашдырмаг истәјинин нүмајиш олундуғуну билдириб:“Нәјә ҝөрә өлкәнин инанҹлы кәсими әламәтдар ҝүнләрдә Шәһидләр хијабанына јүрүш етмәмәлидир? Бу тәзјигләрлә исламчылары санки халгдан ајырмаг истәјирләр”.
Мәһбус исламчылары мүдафиә комитәсинин сәдри Натиг Кәримов 13 феврал һадисәси илә өлкәдә ислами һәрәката гаршы тәзјигләрин артдығыны дејиб: “Азәрбајҹанда ислам нишанәләрини тамамилә јығышдырмаг истәјирләр. Һәтта шәһид Мүбариз Ибраһимовун дәфниндә исламчыларын сәсләндирдији “Аллаһу Әкбәр” шүарыны ефирә вермирләр. Өлкәнин вәзијјәти чох критикдир. Артыг өлкә идарәолунмаз формаја ҝәлиб. Бу вәзијјәт өзүнү һәбсләрдә ҝөстәрир. Буна нә ад гојмаг олар ки, һакимијјәт хариҹи дөвләтләрин хошуна ҝәлмәк үчүн өз вәтәндашларыны сахта иттиһамларла һәбсә атыр”.
Мәтбуат конфрансында Азәрбајҹан Ислам Партијасынын бәјанаты сәсләндирилиб. Бәјанатда ики ил әввәл һәбс олунан мөминләрин ҝүнаһсыз олдуғу дејилир, һәбсдә олан инанҹлы шәхсләрин азадлыға бурахылмасы тәләб едилир.
Бәјанаты сајтымызын зијарәтчиләринә тәгдим едирик:
Бисмиллаһир Рәһманир Рәһим
“Дүз ики ил өнҹә – феврал ајынын 13-дә бир груп мөмин инсан бүтүн мүсәлман дүнјасында олдуғу кими, әзиз Пејғәмбәримизин (с) реһләти вә Имам Һәсәнин(ә) шәһадәтилә әлагәдар әзадарлыға гошулмаг гәрарына ҝәлдиләр. “Һаҹы Султанәли” мәсҹидиндә әза мәрасимини баша чатдыгдан сонра, Хоҹалы фаҹиәси өнҹәси олдуғуну нәзәрә алыб, Вәтән уғрунда ҹанындан кечмиш шәһидләрин вә һәмчинин Хоҹалы гурбанларынын руһларына дуалар охумаг үчүн ″Шәһидләр хијабанына″ јола дүшдүләр. Онлар Јасамал Рајон Полис Идарәсинин пост-патрул хидмәтинин әмәкдашларынын мүшајиәтилә Нәриманов һејкәлинә чатар-чатмаз, Сәбајел Рајон Чевик Полис Алајынын әмәкдашлары, даһа доғрусу рәһбәр органлары илә бирликдә тез бир заманда ссенариләшдирилмиш “манҹанаға” салындылар. Динҹ инсанларын зијәрәт мәгсәдилә һәрәкәтинә мане олмаг азмыш кими, полис ишчиләри мөминләри һәр вәҹһлә тәхрибата ҹәлб етмәјә чалышмыш, онлара гаршы мисли ҝөрүнмәмиш вәһшиликләр төрәтмишләр. Бир сыра күтләви информасија васитәләринин гејд етдикләри видео ҝөрүнтүләрдән һасил олунан нәтиҹәјә ҝөрә, бу, динҹ вәтәндашлара гаршы полисин 2010-ҹу илдә ән дәһшәтли тәҹавүзү٫ вәһшилији иди.Вә азад сајылан өлкәнин вәтәндашларына гаршы һүгуг мүһафизә органлары әмәкдашларынын төрәтдикләри аҹынаҹаглы мүнасибәт нәтиҹәсиндә мүхтәлиф дәрәҹәли бәдән хәсарәти јетирмәләри дә азмыш кими, онларын ичәрисиндән мәгсәдли шәкилдә әввәлҹәдән сечилмиш, хүсусилә беш нәфәр, Елмар Сәмәдов, Елчин Аббасов, Билал Әһмәдов, Ағәли Јәһјајев вә Сејмур Һүсејнов Ислам Партијасынын функсионери вә сырави үзвләри олдугларына ҝөрә, тәзјиг алтында полис бөлмәләринә апарылмыш вә сонрадан онлара гаршы сахта иттиһамларла ҹинајәт иши галдырылмышдыр. Нә истинтаг дөврүндә٫ нә дә мәһкәмә залында исламчылара гаршы галдырылан сахта иттиһамлар сүбут олунмушдур.Буна бахмајараг, тәзјиг алтында мәһкәмә истинтагына ҹәлб олунан јаланчы шаһидләрин фикирләри әсасында ҝүнаһсыз вәтәндашлара үмумән Јасамал Рајон Мәһкәмәси 21 ил 8 ај иш кәсилмишдир. Тәкҹә бу факт сүбут едир ки, Азәрбајҹанда истәр фәргли дүшүнән, истәрсә дә сағлам әгидәјә бағлы олан инсанлара нәдәнсә тәһтүкә мәнбәји кими бахылыр. Бундан башга ҝүнаһсыз инсанларын һәбси өлкәдә мүстәгил мәһкәмә системинин олмамасындан, әдаләтсиз һөкүмләрин сифаришли олмасындан хәбәр верир. Биз сахта иттиһамларла һәбс олунан, Кониститусија һүгуглары, дини-етигад вә виҹдан азадлыглары әлләриндән алынан исламчиларын азадлиға бурахылмасыны тәләб едирик. Һесаб едирик ки, һәр бир вәтәндашын сијаси мәнсубијјәтиндән асылы олараг, гејри-гануни тәһдид олунмасы дөвләтчилији сарсыдыр, инсанларын дөвләтә етимад критеријасына ҹидди зәрбәләр вурур, ајры-ајры һүгуг-мүһафизә ишчиләри инсан азадлығыны сүни шәкилдә мәһдудлашдырмағы илә өзүнүн гејри сәмими “сәдагәт”ини ҝөстәрмәјә чалышыр. Әслиндә беләләри ҹәмијјәтдә тәһлүкәли тенденсијалар јарадыр, өлкәнин бејнәлхалг имиҹинә ләкә ҝәтирирләр”.
Диггәт: Хәбәрдән истифадә етдикдә мәнбәјә истинад лазымдыр
