Әһли Бејт -АБНА- хәбәр аҝентлији- Бәнзәр бир вәзијјәти ТСК тәнгид олундуғунда да ҝөрүрдүк. "Әсҝәрин иши өлкәни идарә етмәк дејил, нә үчүн сијасәтә мүдахилә едир" дејилдијиндә ТСК тутулан ирадлара ҹаваб олараг бу ҹүр тәнгид ҝәтирәнләри "әсҝәр дүшмәни" олмагла иттиһам едәрди.
Бәнзәр вәзијјәти бу ҝүн Түркијәнин ҝүҹ мәркәзләријлә дә јашајырыг.
АК Партијасын тәнгид едәнләр АК Партијасынын дүшмәни, Ҝүлән ҹамаатыны тәнгид едәнләр исә ҹамаат дүшмәни дамғасын алмагдан хилас ола билмир. АКП-чиләр истәјирләр ки кимсә онлара "ҝөзүн үстә гашын вар" демәсин.
Истәјирләр ки, бурахылан сәһвләрә, ҝөрүлән ҝүнаһлара, верилән зәрәрләрә фикир вермәјәк.
Нә едә биләрик? Ҝөрүнүр медиада бүрократијада ҹидди бир ҝүҹү тәмсил едән Ҝүлән ҹамаатыны дејил, СМС-и охунмајан ҸҺПи вә јахуд онун лидериними тәнгид етмәлијик?...
Нәјсә, мәсәләнин бу гисимини чох узатмадан әсл мөвзуја кечәк.
Заман вә СТВин гәрибә бир сәји вар.
Даһа әввәл дә диггәтинизи бу мәсәләјә чәкмишдик амма јолдашлар бу мәнфур сәјләриндән имтина етмәк әвәзинә ҝөрдүкләри иши аз гала кампанија сәвијјәсинә чевирсинләр.
Заман-чылара аид гәзетләрдә вә ТВ-ләрдә Иран әлејһинә мараглы бир компанија ҝедир.
Кечән јазыларда Заманын бир хәбәринин Исраилин Һааретз гәзетиндә башлыг олмасына диггәтинизи чәкмишдик.
Бәзи (Түрк) охуҹулар Заманын бу хәбәрини мүдафиә едиб мәни "Иранын Түркијә үзәриндә ојнадығы тәһлүкәли ојунлары" ҝөрмәмәкдә ҝүнаһландырды.
Бу тәһлүкәли сәјләрин башында да Иранын Түркијәјә ҝөндәрдији тибб баҹыларынын олдуғу ирәли сүрүлүрдү.
"Иранын Түркијәјә 2000 тибб баҹысы ҝөндәрмәсиндән һәдәфи, Түркијәни гарышдырмаг планы имиш". Мән дә буну ҝөрмүрмүшәм.
Бу иддиалара о ҝүн ҝүлүб кечдим. Һәтта "бәзи охуҹуларын гәрибә паранојјасыдыр" дејиб ҹидд белә гәбул етмәдим. Лакин ики һәфтә сонра ејни иддианын СТВ дә хәбәр вердијини ҝөрүнҹә "јох артыг, даһа нәләр" дедијими хатырлајырам.
Диггәт јетирирсинизми? Әввәлләр биз беләр хәбәрләрин Республикада охуҹусјдуг. Елә дејилми? Түркијәдәки Кәмалистләр илләр боју бизи "Иранын режим ихраҹы" илә горхудуб ҹәмијјәти истәдикләри кими "тәрбијә" етдиләр. Инди ејни шеји Заман групу едир.
Нәдир Заман групунун дәрди? Нә үчүн белә бир сәјләр ҝөрүр? Нә истәјирләр? Һәгигәтән мәним үчүн чох мараглыдыр.
Заман групуна мәнсуб журналист достлар бир чох мөвзуда һөкумәти тәнгид едирләр.
Мәсәлән шике мәсәләсиндәки тутумуну, һөкумәтин "Күрд проблемини" һәлл етмә үсулуну, хариҹи сијасәтдәки зигзаглары, Бәшир Аталаны, Әһмәд Давутоғлуну, һәтта Баш назир Әрдоғанын бир чох рәфтарыны вар ҝүҹү илә тәнгид едирләр. Бир чохунда да һаглы олдугларыны дүшүнүрәм.
Лакин һәр мөвзуда һөкумәти тәнгид едән бу јолдашлар, сыра Сурија вә Иран мәсәләсинә ҝәлинҹә һөкумәтлә ејни хәттә ҝәлирләр.
Исраиллә изләнилән ҝәрҝин сијасәтдән өтәри Әһмәд Давутоғлуну јердән јерә вуран јолдашлар, мәсәлә Сурија олдуғунда ејнилә онун кими (Әһмәд Давутоғлу кими) дүшүнүрләр.
Сурија вә Иран мөвзусунда о гәдәр һевескарҹасына әл-әлван ҝејинирләр ки чашыб галырсыныз.
Һәтта бәзән бу саһәдә һөкумәти белә ҝеридә сахлајырлар. Өзүмүзү дөвләт сијасәти барәсиндә чох данласаг "һөкумәт сијасәтә ҝөрә белә давранмаг мәҹбуријјәтиндәдир" дејә биләрик. Јахшы Заман групунун неҹә? Белә бир зәрурилији вармы? Нә үчүн дүнјада Иранын вурулаҹағынын данышылдығы ҝүнләрдә Түрк ҹәмијјәти Ирандан ҝәлән "тәһлүкәләрлә" горхудулур? Нә үчүн Ирандан "јалныз АБШ вә Исраил үчүн дејил, бизим үчүн дә горхунҹ һесаблары олан бир өлкә" имиҹи јарадылмаға чалышылыр?
"Иран Түркијәјә 2000 тибб баҹысы ҝөндәрди. Түркијәни гарышдырмаг истәјир." нә анламын верир? Ҝөндәриб ҝөндәрмәдији сәһијјә назирлијиндән өјрәнилмәлидир. Галды ки ҝөндәрсә нә олаҹаг? Нә үчүн Алманијадан, Франсадан ја да АБШдан ҝәлән тибб баҹылары дејил мәһз Ирандан ҝәләнләр тәһлүкәли олмалыдыр?
Бу сәјләр ән чох кимин хејриә јарајаҹаг? Һеч дүшүнүрсүнүзмү? Бу тәблиғатдан ән бөјүк зәрәри ким ҝөрәҹәк? Бунлары демәмәлијикми? Әләни олараг јајымланан бу дезенформасјанын чох сәһв, чох тәһлүкәли, гејри Ислами, гејри әхлаги олдуғуна ишарә етмәмәлијикми?
Белә бир хәталы сәјләри давам етдирмәкми ајыб, гынанылаҹаг, пис гәбул едиләҹәк јохса бунлары јазыб сәһвдән дөнүлмәси үчүн хәбәрдар етмәк? Һансы?
Бурада мәни нараһат едән бунун Сурија вә Ирана едилир олмасы дејил. Бу өлкәләрин јеринә Танзанија вә јахуд Уҝанда олса да, мән ејни нараһатлығ һиссин кечирдәҹәјәм. Чүнки бурада мәсәлә АБШ вә Исраилин дүшмән ҝөрдүкләрини бу јолдашларын да дүшмән кими халга ҝөстәрмәсидир.
…
Суријада өлән мүсәлманлары баша дүшүрәм амма Ирагда Әфганыстанда Баһрејндә өләнләр һеч кимин веҹинә дејил. Белә икили сијасәтлә давранырлар биздән дә бу бу мәнфур сијасәтләринин мәрһәмәтдән гајнагландығына инанмамызы ҝөзләјирләр.
Мән Ҝүлән групу илә һөкумәт арасындакы мүзакирәнин Түркијә үчүн ән зәрәр вериҹи өлчүсүнүн АБШ илә олан әлагәләрдә ортаја чыхдығыны дүшүнүрәм. Түркијәдә әввәлдән һөкумәтләр әсҝәрин АБШ илә иш тутмасындан горхуб даһа чох Американчы бир хәтти мәнимсәјирдиләр. Инди бәнзәр бир чәтинлији ики ҝүҹ (Ҝүлән вә Һәрбичиләр) мәркәзи арасындакы јарышда ҝөрүрүк.
Бу јолдашларын АБШ-ын сијасәтләрини һөкумәтдән даһа чох мәнимсәјәрәк она әмәл етмәләри, һүкумети дә һәјасызҹасына Американын мәнафеләринә ујғун һәрәкәт етмәјә сөвг етдирир.
Ҝүлән ҹамаатынын вә АК Партијансынын бәзи саһәләрдә чох јахшы ишләри ҝөрдүјүнү дә тәсдигләјирәм.
"Едилән о гәдәр јахшы хидмәтин јанында нә үчүн јалныз буну ҝөрүрсән?" дејәнләрә јалныз буну сөјләјә биләрәм: "Бир стәкан ајдын суја бир дамла зәһәр гатылдығында о сују кимсә ичмәз." Мәним дүшүнҹәмә ҝөрә о гәдәр јахшы иш чыхаран гардашлар, ҝирдикләри бу ҹүр ишләрлә о етдикләрини дә бәрбад вә јарамаз һала ҝәтирирләр.
Том Петерсин дедији кими: "Һәгигәтдән азда олса белә сапынмаг дејә биләҹәј бир шеј јохдур."
Билмәдим ҝөрәсән бу сәфәр ајдын олдумму?
Ҹенк АЧЫГ
Диггәт: Хәбәрдән истифадә етдикдә мәнбәјә истинад лазымдыр
