Бағышлајан вә рәһм едән Аллаһын ады илә!
Мән наһаг јерә мәһкум олунуб 11 ил 6 ај иш алмыш Ахундзадә Руфулла Һөҹҹәт оғлу бу мәктубу Бакы Истинтаг тәҹридханасындан иҹтимаијјәтә үнванламагла баш верәнләрә биҝанә галмамағы әсас мәгсәдим билирәм. Сон заманлар күтләви информасија васитәләриндә һалландырылан, һүгуг мүдафиәчиси вә журналист Ејнулла Фәтуллајевин “Ҝүндәм сијасәт” гәзетинин 84-ҹү нөмрәсинин 3-ҹү сәһифәсиндәки “Ејнулла Фәтуллајев тәнгид вә иттиһамлара ҹаваб верир” јазысыны “гара пиар”лара тутарлы ҹаваб кими дәјәрләндирир, тәнгидчиләрин адларына вә етдикләри ирадлара тохунмадан Ејнулла Фәтуллајевин ҝәлдији гәнаәти бир мәһбус кими дәјәрләндирирәм.
Әввәла, билдирим ки, һал-һазырда Азәрбајҹан Республикасында әһалинин әксәријјәти зүлм вә ишҝәнҹә алтында олмагла зинданларда “өмүр” сүрәнләрдән һеч дә азад дејилләр. Бәлкә дә даһа гапалы вә тәлашлы өмүр сүрмәдәдирләр (буна әҝәр јашамаг демәк оларса). Ајры-ајры вахтларда КИВ-дә бу барәдә чохлу мәгаләләрим ишыг үзү ҝөрүб. 2008-ҹи илдән исә бу сајаг јазыларыма, кәскин тәнгиди фикирләримә Азәрбајҹан КИВ-дә “јер олмадығындан” Ирандан Азәрбајҹан дилиндә јајымланан “Сәһәр” телеканалынын “Компас”, “Сизин трибуна” веришләриндән бәһрәләнәрәк, кәскин тәнгиди фикир вә баш верән гејри-гануни һәрәкәтләрә етиразымы сәсләндирмишәм. Һәтта Елмар Һүсејнову шәһид етдирәнләрә “сизләр Елмар Һүсејнова террор едә биләрсиз. Лакин Имам Һүсејн (ә) мәктәбинин давамчылары һагсызлыға, зилләтә, зүлмә, әдаләтсизлијә етираз сәсини јени, өзү дә чохлу сајда јетишәнләрин шаһиди олаҹагсыныз”...
Вә бу ҝүн һәбсханалара долдурулан Әвәзләр, Немәтләр, Мөһсүмләр, Бабәкләр, Тураллар, Әһәдләр, Елмарлар, Талеһләр, Фәрамиз ағалар, Арифләр, Фирдовсиләр, Фәхриләр, Абҝүлләр вә .... арта-арта, Азәрбајҹаны етираз далғасы бүрүмәдәдир. Јүзләрлә журналист, јазарлар мејдандадыр. Демәли мәним сөјләдијим өз тәсдигини тапыб. Өзү дә ҝөзләдијимдән даһа ҹидди.
Һөрмәтли јазарлар! Сизләр индики һакимијјәтин зүлмләрини ҝөрүр, азғынлашмыш мәмур ордусуну ҝүндәлик һәјатынызда һисс етмәдәсиниз. “Зијалылар форуму”, “Иҹтимаи палата”, инсан һүгуг вә азадлыгларынын мүдафиәчиләри, сијаси партијаларын, иҹтимаи тәшкилатларын лидерләри, фәаллары, Руһани алимләр, диндарлар вә мүстәгил тәдгигатчылар, азад сөз сөјләјәнләр һамысы өлкәдә баш верән һадисәләрә, ејбәҹәрликләрә, лүтләшмәјә, ләватлашмаја, зүлм вә талана, евләрин башлара учурулмасына, халгын мадди рифаһыны тәмин етмәк, сосиал проблемләрини һәлл етмәк әвәзинә әлиндәкини дә әлиндән алмаларына, динсизлијин, фаһишәлијин тәблиғинә, Гуранын нәһј етдијини әмр етмәләринә, әмр етдијини нәһј етмәләринә вә илахырлара бир пәнҹәрәдән бахмалыјыг. Бәзи вахт бу белә дә ҝөрүнүр. Лакин јахынлашанда чох вахт илғымла алданмыш олдуғумузу ҝөрүрүк.
Ејнулла Фәтуллајевин мөвгеји ајдын вә фикирләри реал олмагла һәр бир дүшүнән, әдаләтли гәрар чыхаран, ағыллы адамлара да ҝүндәлик һәјатында раст ҝәлән һәгигәтдир. Бәли мүшаһидәләр ҝөстәрир ки, Азәрбајҹанымызын там ифласа уғрамајыб, Аллаһ гәзәби там реаллашдырылмајыб. Мән демирәм ки, башымызын алтына јастыг гојуб нәјинсә јахшылашаҹағына үмид бәсләјәк. Өлкәнин 20 фаиз торпағы гулдур ермәни дығалары тәрәфиндән (Русија гошунларынын һимајәси илә) ишғал олунуб. Һал-һазырда “гүдрәтләр” БМТ-нин 4 гәтнамәсини гулаг ардына вуруб, мәғлубијјәтлә барышмағымыз үчүн дәридән габыгдан чыхмада, үстәлик өлкәни ичәридән там ишғал етмәкдән өтрү, алчаг нијјәтләрини һәјата кечирмәк планларыны, игтидардакы вә бәзи өзүнү мүхалифәтчи ҝөстәрән, азад јазар кими гәләмә верән үздәнираг “нөкәрләринин” әли илә бизә гәләбә чалмададырлар. Уму-күсү вахты дејил. Дүшмән чох ҝүҹлүдүр мадди нөгтеји-нәзәрдән, шејтан (Аллаһ она ләнәт еләсин) онларын һимајәчисидир.
Биздән тәләб олунан бир шеј вар, мүхалифәтли-игтидарлы (виҹданын сатмајанлары нәзәрдә тутурам) зијалы алимләр (бигәләмунлар зијалы сајыла билмәз) өлкәнин лидерләри, Руһани адил алимләр, һагга әјилән диндарлар, мүстәгил политологлары (сијаси шәрһчиләри) сағлам журналистләр, һүгуг мүдафиәчиләри вә Республикамызын, халгымызын ҝәләҹәјини дүшүнән диҝәр ҹәмијјәт вә фәаллар әл-әлә вериб һакимијјәти ҹидди ислаһатлар апармаға мәҹбур етмәлидир. Даһа ҝөрүнтү јарадан коррупсија илә мүбаризә, инһисары арадан апаран бәзи јазарларын сифаришли мәгаләләри вә бу сајаг ислаһатлары нәзәрдә тутмурам. Ҹидди вә гәти ислаһатлар, истефа вә ҹәза да нәзәрдә тутулан ислаһат бу өлкәни јахын ҝәләҹәк фәлакәтдән гуртара биләр. Икинҹи чыхыш јолу ингилабдыр ки, бу да өлкәмизин зәифләмәсинә (бахмајараг ки, залым һөкумәтин зүлмүндән гуртарылаҹаг бу өлкә халгы) сәбәб ола биләр ки, бурда да Зијалы мәсләһәтинә, дәгиг елмләрлә мәшғул оланларын ҝәлдикләри гәти гәнаәтә, һәгиги тарихи билиб кечмиши әла өјрәнмиш вә ҝәләҹәк барәсиндә дүзҝүн фикир сөјләјә билән тарихчи алимләрә, философлара үстүнлүк верилмәли, Руһани алимләрин һәр бир һәрәкәтә башламаздан габаг Аллаһ-тәаланын тәгдиринә, әмринә ҝөрә бирҝә һесаблајыб тәкамүллә аддым атылмалыдыр.
Галды мән 21 јанвар 2011-ҹи ил тарихдә шәрләнәрәк диҝәр Руһани вә дин гардашларла бөһтан ифтира иттиһамларла һәбс едилмиш, әввәл ҝүнләр Мүтәшәккил Ҹинајәткарлыгла Мүбаризә Идарәсинин зирзәмисиндә 9 нөмрәли камерада галмыш, хүсуси еһтирам вә диггәт ҝөрмүшәм. Һәтта дәјишијимин ҝәтириләҹәјини сөјләсәм дә мәни дилә тутуб душ гәбул етдирибләр. Вә еләҹә дә јемәкләри Күрдәханы тәҹридханасындан фәргли олараг чох дадлы, демәк олар ки, евдә һазырланмыш хөрәкләрин тамыны верирди. Сонра Күрдәханы истинтаг тәҹридханасынын 5-ҹи корпусун 2 нәфәрлик 50-ҹи камерасына мәскунлашдым. Камерада бүтүн зәрури олан әшјалар вә еләҹә дә нормал јашајыш үчүн һәр бир шәраит вар. Тәкҹә телевизор вә сојудуҹу јохдур. Лакин үмуми корпусун сојудуҹусу вар ки, јајда истифадә етмишәм. Отағын һавасы јајда 30-32 дәрәҹә, гышда исә 18-22 дәрәҹәдир. Бурда олдуғум бир илдә үрәк дамарын тыхаҹы илә бағлы мүалиҹә алмыш, шәхсән тәҹридхананын рәиси Елхан мүәллимин тәһрики илә тибби корпусда Әшрәф вә Меһман һәкимин күрәјимдәки, пиј вәзи шишини ҹәрраһијјә әмәлијјаты вә сонрадан мүалиҹә илә орадан ҝөтүрүбләр. Һансы ки, 3 ил оларды бу шиш мәним күрәјимдә нараһатчылыг јарадырды. Һал-һазырда јүксәк тәзјиглә бағлы мүалиҹә олунурам. Бир нечә дәфә УЗИ илә вә 2-3 дәфә кардиогам васитәси илә бүтүн дахилим вә еләҹә дә үрәк мүајинә олунуб. 2 дәфә АТӘТ нүмајәндәләри илә, 3 дәфә тәҹридхана рәиси, бир нечә дәфә рәис мүавинләри илә ҝөрүшүб, әризә вә шикајәтләрими вә һәтта бәзи негатив һаллар барәсиндә дә өз мөвгејими билдирмишәм. Һансы ки, әксәр негатив һаллар дустагларын сајәсиндә баш верир.
Мән бунлары хырдаламаг истәмәздим. 11-ҹи калондан бир нәфәр бизимлә бир машында Апелјасија мәһкәмәсинә ҝедәндә онунла бәзи мәсәләләри билмәк, калондакы дурума ајдынлыг ҝәтирмәсинә чалышдым. Нәтиҹә белә олду ки, 11-ҹи калонун рәиси ишғал олунмуш рајонлардан бириндән олмагла чох ҹидди шәхсдир. Өз ишчиләринә дә мәһбуслара да һәмчинин ганун гајдаја ҹидди әмәл олунмасыны тәләб едән, дахили гануну позан истәр мәмур вә ја дустаг ганунла ҹәзаландырылыр. Корпуслар јени вә сәлигәли камералар мөвҹуддур. Һамам, чајхана, мәсҹид, јемәкхана, стадион, телевизор, телефон вә ајда бир дәфә гыса, 6 ајда бир дәфә узун мүддәтли ҝөрүш верилир. Һеч бир бүрократија филан јохдур. Бәли мәлум мәсәләдир ки, 17-ҹи калон барәсиндә буну демәк олмаз. Лакин әҝәр Ејнулла мүәллимин мүдахиләсиндән сонра донуз сахланан јер ләғв олунур вә еләҹә дә һәмин калонун рәиси ишдән узаглашдырылырса, он да кор-кор ҝөр-ҝөрдүрдә. Бу ҝүн нә ки, һүгуг мүдафиәчиләри, һәм дә һәр бир мәһбус дахили ганун гајдаја әмәл етмәклә, диҝәрләриндән дә буну тәләб етмәлидир, ән азындан өз һүгугуну мүдафиә етмәји баҹармалыдыр. Нә ки, кимәсә 1-2 манат вериб һансыса гануну позмалы вә ја 200-300 манат вериб калон дәјишмәси апармалы вә ја да хидмәти вахты совгаты мәһбуса ајыранда “сичан” олмалыдыр. Бәли Гуран дејир ки, рүшвә верән вә алан ҝүнаһкардыр. Демәли биринҹи верән чох мәсулијјәт дашыјыр өз виҹданы гаршысынд
