Әһли Бејт -АБНА- хәбәр аҝентлијинин вердији хәбәрә әсасән: Ирагын "Сәдр" һәрәкатынын рәһбәри Һүҹҹәтүл-Ислам вәл-мусилин Сејјид Мүгтәда Сәдр Тунис президентинә Бәһрејн ингилабыны дәстәкләдијинә ҝөрә тәшәккүр мәктубу ҝөндәриб.
Мәктубда Тунис президентиндән Бәһрејн ингилабыны дәстәкләдијинә ҝөрә сәмими гәлбдән тәшәккүр едән Мүгтәда Сәдр Аллаһдан Тунис халгыны вә президентини һифз етмәји истәјиб.
Диҝәр әрәб башчыларыны да Тунис президентинин етдији кими Бәһрејн ингилабыны дәстәкләмәјә чағыран "Сәдр" һәрәкатынын лидери һәмчинин бәзи алимләрин Бәһрејндә баш верәнләри мәзһәб гаршыдурмасы кими гәләмә вермәләрини тәнгид едиб.
Мәктубун сонунда Мүгтәда Сәдр баш верән ингилабларын нә сүнни, нә шиә, нә ислами вә нә дә мәсиһи олдуғуну гејд едәрәк дејиб ки, бу ингилабларын халг ингилабларыдыр вә әлләриндән алынмыш һүгуглары гајтармаг үчүн баш вермишдир.
Хатырладаг ки, 2 һәфтә өнҹә Тунис президенти Тунисин пајтахтында Бәһрејн сәфирлијинин өнүндә Али Хәлифә режиминә гаршы кечирилән митингдә иштирак етмиш вә Бәһрејн ингилабыны дәстәкләдијини бәјан етмишди
Диггәт: Хәбәрдән истифадә етдикдә мәнбәјә истинад лазымдыр
