Әһли Бејт -АБНА- хәбәр аҝентлијинин вердији хәбәрә әсасән: О дејиб ки, ахы белә ишләр кимә лазымдыр, биз руһаниләр ганундан кәнар нә иш ҝөрүрүк? Бу рүсвајчылыг кимә лазымдыр? Дөвләтин әлејһинә һансы ишләри ҝөрүмүшүк? Әксинә, биз һәмишә ганун тәрафдары олмушуг вә бүтүн инсанлары да гануна табе олмаға чағырмышыг.
Онун сөзләринә ҝөрә, руһаниләрин һеч бир сәбәб олмадан һәбс едилмәси ҹәмијјәтдә ажиатаж јарадыр. Халгла һакимијјәти үз-үзә гојурлар. Сонрадан да ҹәмијјәтдә белә фикир формалаша биләр ки, ҝуја руһаниләр ҹинајәт төрәдир, онлар ҹинајәткарлардыр.
Е.Манафов вурғулајыб ки, Ашура әрәфисиндә руһаниләрә һәдә-горху ҝәлирләр, миннәт гојурлар: "Елә формада дејирләр ки, санки Ашураны кечирмәк дөвләтин мәнафеләринә зиддир. Мисал кими дејим ки, Түркијәдә һәр ил кечирилән мәрасимләрдә һәтта Баш назир Әрдоғанын иштирак етмәси, ҝөз јашы ахытмасы, мәҝәр, бунлар үчүн нүмунә дејил?! Ашура мәрасимләри илләр боју кечирилиб вә һеч бир проблем олмајыб. Лакин сон вахтлар мүәјјән гүввәләр тәрәфиндән руһаниләрә һәдә-горху ҝәлмәк, онлары ҝуја ганундан кәнар иш ҝөрүдүкләри үчүн һәбс етмәк биздә нараһатлыг јарадыр. Тәләбимиз одур ки, белә ганунсуз әмәлләрин гаршысы тезликлә алынсын. Һәр кәси ганун чәрчивәсиндә һәрәкәт етмәјә чағырырг".
Диггәт: Хәбәрдән истифадә етдикдә мәнбәјә истинад лазымдыр
