Әһли Бејт -АБНА- хәбәр аҝентлијинин вердији хәбәрә әсасән: Октјабр ајындан башлајараг сосиал тәләбләр ирәли сүрән “Вол Стрити ишғал ет!” һәрәкаты глобал характери алараг артыг Авропаја да кечиб. Белә ки, Авропанын бүтүн бөјүк шәһәрләриндә дүшәрҝә шәһәрҹикләри гурулуб. Һәтта сојуглара бахмајараг кичик саһибкарлар нүмајишчиләрә бирләшәрәк ҝенераторлар һәдијјә едибләр.
Гејд едәк ки, АБШ зәнҝинләринин јашам тәрзинин ҝөстәриҹиси сајылан “Вол стрит” (һәрфи мәнасы “Дивар күчәси”) күчәси НјуЈоркдадыр. Биржа гаршысында јерләшән Зуккоти бағында отураг аксијада 30 мин инсан иштирак едиб.
Бу арада Нју-Јоркда кечирилән нүмајишдән сонра шәһәр полиси Федерал Тәһгигатлар Бүросунун әмәкдашлары илә бирҝә 200 нүмајишчини һәбс едиб. Нүмајишчиләрин дүшәрҝә шәһәрҹији дағыдылыб. Аксијанын 2 ајлығыны гејд едән нүмајишчиләр Нју-Јорк фонд биржасынын ишини ифлиҹ етмәјә дә наил олублар. Америкалы нүмајишчиләрә дәстәк вермәк үчүн Испанијада, Белчикада, Данимаркада вә Алманијада үмуми һесабда 400 мин нәфәрин иштирак етдији нүмајишләр кечирилди.
Мараглыдыр ки, “ишғалчылар” һәрәкаты илә АБШ-нын һәмкарлар иттифаглары, бүтүн һуманитар иҹтимаи тәшкилатлар һәмрәј олдугларыны бирҝә бәјанатда билдирибләр, бу исә тәгрибән 3 милјон фәал үзв демәкдир. “Ишғалчыларын” әсас наразылыглары ондан ибарәтдир ки, федерал һөкумәт бүдҹә вә верҝи өдәјиҹиләринин вәсаитләри илә банклара дәстәк кими малијјә бөһранындан чыхмаға көмәк едиб. Нүмајишчиләрин әсас шүары: “Бизи банклара сатдыныз”дыр.
Нју-Јорк мери Мајкл Блумбергин вердији сәрәнҹама әсасән, “ишғалчылара” шәһәр әразисиндә нојабрын 18-дән нүмајиш кеширмәк јасаг едилди. Ејни заманда ФТБ һәрәкатын “мәнәви лидери” сајылан Нкрумаһ Тинслеји ЈоуТубе сајтына “Бүтүн Нју-Јорку јандыраг” бәјанаты илә әлагәдар “террор актына һазырлыг вә иғтишашлара чағырыш” ҹинајәт-просесуал маддәси әсасында һәбс едиб.
Лакин нүмајишчиләр өзләрини “чохлуг-99%” адландырараг, нөвбәти аксијанын нојабрын 22-дә Нју-Јоркда кечирәҹәкләри барәдә бәјанат вердиләр. Аксијаја дәстәк үчүн Канада, Австралија, Британија вә Франсадан нүмајишчиләр ҝәлиб. Експертләр икинҹи Лондон иғтишашларындан еһтијат едир. Баш назир Девид Камерон нүмајишчиләри дәјирми масаја дәвәт едиб.
Диггәт: Хәбәрдән истифадә етдикдә мәнбәјә истинад лазымдыр
