Әһли Бејт -АБНА- хәбәр аҝентлијинин вердији хәбәрә әсасән: АИП мәтбуат хидмәтиндән ФактХебер.ҹом-а дахил олан бәјанатда билдирилир ки, мәлум олдуғу кими, Азәрбајҹан ислам Партијасынын (АИП) рәһбәрлији 10 нојабр 2011-ҹи ил тарихли, тәшәббүс групунун мүәјјәнләшдирдији митингин тәшкилатчылары адындан Бакы Шәһәр иҹра Һакимијјәтинә (БШиҺ) 20 нојабр 2011-ҹи ил тарихдә, саат 15:00-да митинг кечирмәк барәдә мүраҹиәт үнванламышдыр. Разылашдырылмыш аксија кечирмәк барәдә јазылы мүраҹиәтә БШиҺ әнәнәви олараг, инсанларын конститусион һүгугларыны кобуд шәкилдә позан ҹаваб вермишдир.
Биз митингдә “Гарабаға азадлыг”, “рүшвәт вә коррупсијаја сон”, “ҝүнаһсыз мәһбуслара азадлыг”, “Конститусијаја һөрмәт” тәләб вә шүарларыны сәсләндирәҹәјимизи, ганунун бүтүн тәләбләрини диггәтлә нәзәрә алмагла, динҹ аксија кечирмәјимизи билдирсәк дә, шәһәр меријасы јаланчы бәһанәләрлә инсанларын динҹ топлашмаг азадлығына манеә олмагла, сәрбәст топлашмаг азадлығы һаггында Азәрбајҹан Республикасы Конститусијасынын 49-ҹу маддәсинин - јәни һәр кәсин башгалары илә бирликдә сәрбәст топлашмаг азадлығыны, һәр кәсин башгалры илә бирликдә ујғун дөвләт органларыны габагҹадан хәбәрдар етмәклә динҹ, силаһсыз јығышмаг, јығынҹаглар, митингләр, нүмајишләр, күчә јүрүшләри кечирмәк, пикетләр дүзәлтмәк һүгугуну, “инсан һүгугларынын вә әсас азадлыгларын мүдафиәси һаггында Конвенсија”нын (Авропа Конвенсијасы) 11-ҹи маддәсини (Азәрбајҹан Республикасы бу Конвенсијаны 2001-ҹи ил декабрын 25-дә ратификасија едиб) позмагда давам едир.
АИП баш верәнләри өлкә вәтәндашларынын сәсини боғмаг, азадлыгларыны мәһдудлашдырмаг кими гијмәтләндирир. Бу да өз нөвбәсиндә Дағлыг Гарабағ проблеминин әдаләтли һәлли истигамәтиндә Азәрбајҹан һакимијјәтинә бејнәлхалг тәшкилатларын, супер ҝүҹләрин тәзјигинә мүнбит шәраит јарадыр. Азәрбајҹанда вәһдәтә наил олмағын, үмуми дүшмәнлә бирҝә мүбаризәнин јолу мәһз демократик тәсисатларын, халгын вәтәнпәрвәрлик дујғуларын инкишафындан кечдији һалда БШиҺ-ин бу ҹүр аддымлары әксинә олараг, ҹәмијјәтдә ҹидди гаршыдурмаја, халг-һакимијјәт инамсызлығы вә етимадсызлығынын јаранмасына хидмәт едир.
АИП белә аддымлары рәдд едир, бүтүн диггәти халгын ирадәсинин ифадәсинә, инам вә етимадынын јүксәлдилмәсинә, вәтәндашларла һаггысызлыға сон гојулмасына јөнәлтмәји ән ваҹиб аддым сајыр.
Диггәт: Хәбәрдән истифадә етдикдә мәнбәјә истинад лазымдыр
