Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасынын Баш прокурору јанында Коррупсијаја гаршы Мүбаризә Идарәсиндә "Хурал" гәзетинин тәсисчиси вә баш редактору Зејналов Әвәз Тапдыг оғлу барәсиндә Ҹинајәт Мәҹәлләсинин 311.3.3 вә 311.3.4-ҹү маддәләри илә амансыз ҹинајәт иши башланыб.
Республика Прокурорлуғунун мәтбуат хидмәтиндән верилән мәлумата ҝөрә, ҝүја истинтагла мүәјјән едилиб ки, Әвәз Зејналов Әһмәдова Ҝүләр Микајыл гызы барәсиндә шәхси вә ишҝүзар нүфузуна хәләл ҝәтирән мәлуматларын олдуғуну, һәмин материалларын гәзет сәһифәләриндә чап олунаҹағыны билдирмәклә, она һәдә-горху тәтбиг едиб, бу материалларын гәзет сәһифәләриндә чапынын дајандырылмасы мүгабилиндә, јәни сәлаһијјәтләринин иҹрасы илә әлагәдар едилән һәрәкәтә ҝөрә ондан өзү үчүн бирбаша, мадди немәт олан күлли мигдар тәшкил едән 10 мин манат пулу рүшвәт кими истәјиб.
Әвәз Зејналова Ҹинајәт Мәҹәлләсинин гејд едилән маддәләри илә иттиһам елан едиләрәк барәсиндә мәһкәмәнин гәрары илә һәбс-гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
