Гадынын ҝөзәллијини өртән,ону тәрбијәсиз вә алудә инсанларын бахышларындан горујан өртүк вә ја һиҹаб Гурандан гајнагланан илаһи бир ҝөстәришдир.
Һиҹабын ән ҝөзәл нүмунәси һәзрәт Зәһра (с.ә) јадиҝары олан чадра елм вә тәрәгги үчүн һеч бир манеә төрәтмир. Әксинә, бир чох тәһлүкәләрдән горујур.
Чох гијмәтли даш-гаш олан гадын илаһи һиҹаб сандыгчасында олдуғу мүддәтдә әрзиндә оғруларын, гарәтчиләрин шәриндән аманда галыр.
Әҝәр ҝәнҹ, ҝөзәл сималар ҝөрүнмәзсә, һәва-һәвәс аловлары, ҹинси тәләбләр атәши бир милләтин паклығыны, бир мәмләкәтин мәнәвијјатыны јыхмаға галхмаз.
Әҝәр ҝәнҹ оғланлар күчәдә, базарда, елм мәркәзләриндә, идарәләрдә вә с. кими үмуми објектләрдә гыз вә гадынларын ҝөзәлликләрини мүшаһидә етмәзләрсә, бу заман позғунлуглар, диҝәрләринин намусуна тәҹавүз, зина, һомосексуализм, руһи хәстәликләр, түфејлилик вә диҝәр бу кими проблемләрлә гаршылашмаз, минләрлә истедад һејвани һәјат гәбиристанлығына ҝөмүлмәз.
Бүтүн бунлара әсасән демәлијик ки, һиҹаб вә өртүк гадын үчүн ваҹибдир. Буну инкар едән исә Исламын зәрури бир ҝөстәришини, Гуранда бујурулан бир әмри инкар етдији үчүн кафир сајылыр.
Һиҹабы данан һәр һансы бир ҝәнҹ оғлан мүсәлман гызла аилә гура билмәз. Чүнки бу евлилик ганунсуз, онларын арасында бағланылан никаһ батил, араларындакы мүнасибәт зина, өвладлары исә зиназадәдир. Һәмчинин, һиҹабы данан һәр һансы бир гыз ҝәнҹ мүсәлман оғлана әрә ҝедә билмәз. Чүнки јухарыда гејд олунанлар она да шамил едилир.
Һиҹаб гадынын әзәмәтини, шәхсијјәтини вә ҝөзәллијини өз әри үчүн горујур.
Гадын һиҹаб зинәти илә зинәтләндији бир һалда тәһсил, тәрәгги мәрһәләләрини асанлыгла кечә биләр. «Һиҹаб тәрәгги јолунун манеәсидир» принсипи шејтани бир вәсвәсә олараг гарәтчи мүстәмләкәчиләрин, намус оғруларынын дүнја халгларына ашыламаг истәдикләри јанлыш бир фикир, гәрб вә шәрг дөвләтләринин сајагламаларыдыр.
Аиләләрин сәмимијјәти, кишиләрин гәлбләринин тәскинлији, әр вә арвад мүнасибәтләринин мөһкәмлији, кишинин өз никаһлы гадынына мәһәббәти, етибары - бүтүн бунларын һамысы гадынларын һиҹаб вә өрпәјинә борҹлудур.
Әҝәр кишиләр асанлыгла, истәдикләри шәкилдә (гејри-гануни јолла) гадынлара саһиб ола билсәләр, бу заман онларын өз никаһлы гадынларына гаршы ешг вә мәһәббәтләринин һеч бир зәманәти олмајаҹаг, јувалар асанлыгла дағылаҹагдыр.
Һиҹабсызлыг, гәрбин тәлгин етдији шәкилдә гадынын өзбашыналығы онун азадлығы демәк дејил. Бу нөв азадлығын зијан вә тәһлүкәсини сајмагла гуртармаг олмаз: Һиҹабсызлыг индијә гәдәр минләрлә кишини азғынлыға, түфејлилијә, аиләли гадынларла ганунсуз мүнасибәтләрә сүрүкләјиб; тәлағын сајыны артырыб; јәһудилик вә мәсиһилијин арзу етдији кими, бир чох киши вә гадынларын Исламдан, диндән чыхмасына сәбәб олуб вә с.
Һиҹабсызлығын тәмәлини гојанлар, дилә ҝәлиб, онун аҹы нәтиҹәләрини сон дөврләрин ән горхулу тәһлүкәси адландырырлар.
Бәли, һиҹаб минләрлә гадыны, кишини, аиләни, ҹәмијјәти, хүсусилә дә ҝәнҹләри минләрлә тәһлүкәдән горујур вә аиләләрин исти оҹагларынын дағылмамасына јардым едир.
Тәдгигатчылар Гуранын он дөрд ајәсинин һиҹаба дәлаләт етдији гәнаәтиндәдирләр. Бәзи тәдгигатчылар исә бу ајәләрин ијирми бешә чатдығыны сөјләјирләр.
Һәзрәт Әли (ә) оғлу имам Һәсәнә (ә), онун симасында исә бүтүн дүнја халгларына хитаб едәрәк бујурур: «Мәһрәм-намәһрәмлијә ҹидди шәкилдә риајәт ет. Чүнки бу сәни вә бүтүн намәһрәм гадынлары ҝүнаһа вә ҝүнаһ фикрә дүшмәкдән горујур. Әҝәр сәнин аиләнин гадынларынын сәндән гејри бир киши танымамаларыны истәјирсәнсә, бу мәсәләјә диггәт јетир».
Гадын өзүнү Һаггын бәндәси биләрәк, өзүнү бәндә кими апармалыдыр. О, һәгиги немәт саһибинин немәтләри үчүн Она шүкүр етмәлидир. Бу шүкрүн башлыҹа јолу немәт саһибинин әзәмәтини һисс едиб, гијамәт ҝүнүнә инанмаг, Онун бүтүн ҝөстәришләринә әмәл етмәкдир. Јалныз бу јолла өзүнү, аиләсини, ҹәмијјәти һиҹабсызлығын аҹы нәтиҹәләриндән горуја биләр.
«Амма ким (гијамәт ҝүнү) Рәббинин һүзурунда дурмагдан горхмуш вә нәфсинә истәјини, шәһвәти гадаған етмишсә, һәгигәтән, онун јурду ҹәннәтдир».
Чох тәәссүфләр олсун ки, бу ҝүн дүнјанын дөрд бир јанында, бәзи гадынлар өз шәһвани истәкләрини там азад бурахараг, кечмиш тарихимиздә баш вермәмиш азғынлыглар төрәдирләр. Чох тәәссүф һисси илә демәлијәм ки, бу ҝүн мүсәлман өлкәләриндә јашајан гадынлар да онлары өзләринә өрнәк һесаб едирләр.
Имам Әли (ә) гадынлар һаггында белә бујурур: «Ҝәләҹәкдә, гијамәтә јахын ән пис дөврдә ән пис гадынлар пејда олаҹаг. Онларын хүсусијјәтләри ашағыдакылардан ибарәтдир: Һиҹабсыз, лазыми өрпәкдән узаг, өз зинәтләрини ҝөзә сохан, диндән чыхмыш, фитнәкар, сүрәтлә (шәһвани) ләззәтләрә тәрәф ҹан атан вә Аллаһын һарам бујурдугларыны һалал һесаб едән. Бу хүсусијјәтләрә малик олан гадынлар әбәди олараг ҹәһәннәмдә галаҹаглар».
Јазар: Зејнәб Әли гызы
Истинад етдији Мәнбә: Һүсејн Әнсаријанын, Исламда әхлаг китабы
