Әһли Бејт -АБНА- хәбәр аҝентлијинин вердији хәбәрә әсасән: Һәрби мәнбәләрдән верилән мәлумата ҝөрә, бир һәфтә өнҹә полковник-лејтенант Аслан Аслановун рәһбәрлији илә кечирилән атәш һазырлығы үзрә тәлим-мәшг заманы Азәрбајҹанын милли истеһсалы олан “Ыстиглал” снајпер түфәнҝи партлајыб. Һадисә бир мүддәт әввәл Мүдафиә Назирлији Тәлим Тәдрис Мәркәзинин тәлим курсунда баш вериб.
Һадисә нәтиҹәсиндә ики һәрби гуллугчу - кичик чавуш Тағыјев Ниҹат Казым оғлу вә әсҝәр Рәһимли Раһиб Саһиб оғлу мүхтәлиф сәпкили гәлпә јаралары алыблар. Онларын һәр икиси мүддәтдән артыг һәрби хидмәт кечән һәрби гуллугчулардыр.
Һадисә “Истиглал” снајпер түфәнҝинин ичиндә мәрминин партламасы нәтиҹәсиндә баш вериб. Онлар мүалиҹә үчүн Мүдафиә Назирлији Мәркәзи Һәрби Клиник Һоспитала јерләшдирилибләр.
Диггәт: Хәбәрдән истифадә етдикдә мәнбәјә истинад лазымдыр
