Әһли Бејт -АБНА- хәбәр аҝентлијинин вердији хәбәрә әсасән: Азадхебер.аз сајтынын Гәрб хәбәр порталларындан анализ етдији мәлуматлара ҝөрә, кечмиш диктатор Мүәммар Гәддафинин тез бир заманда өлдүрүлмәси һеч дә тәсадүф дејил. Бәлкә дә бу Гәрбин бир чох чиркли сирләринин Гәддафи илә дәфн олунмасы демәкдир.
Гәддафинин Франса президенти Николја Саркозинин сечки компанијасыны малијәләшдирмәси, Барак Обама илә ҝөрүшләри, бир чох нүфузлу Гәрб рәсмиләри илә исти мүнасибәтләри вә онун бирдән-бирә дүшмәнә чеврилмәси бир чох сијаси аналитикләрдә мараг ојадыб. Ахы нијә өлдүрдүләр? Мәҝәр истәсәјдиләр мәһкәмә гаршысына да чыхара биләрдиләр? Етдији ҹинајәтләри сүбута јетириб мүһакимә едәрәк иҹтимаијјәт гаршысында едам да едә биләрдиләр! Вә бир чох белә нијәләр сөзсүз ки, тәфәккүрлү инсанлары дүшүнмәјә вадар етмәјә билмәз. Демократијадан ағыз долу данышан Гәрб башда АБШ олмагла нијә белә радикал аддымларын өнүндә сусдулар?
"Еј Гәрб! Мәһкәмә гаршысына чыхарт Гәддафини!"-амма хејр, артыг ҝеҹдир. Әҝәр Гәддафи мәһкәмә өнүнә чыхсајды, онда Николја Саркозинин сечки компанијасы суал алтына дүшәҹәкди. Обаманын онунла исти мүнасибәтләринин дәјишмәси, Берлусконинин Гәддафинин әлиндән өпмәси, Тони Блејерлә бир чох ҝөрүшләринин һансы мөвзу әтрафында кечмәси. Онда бунлар мејдана чыхарылаҹаг вә сонда Гәрб мәҹбур олараг Гәддафини Мүттәһим дејил, бәлкә дә зәрәрчәкмиш олдуғуну етираф едәҹәкдир. Ахы Инҝилтәрә Гәддафијә мүһарибә башланан заман хејли силаһ сатмышдыр. Бәс буну кимин ајағына јазмаг олар?
Вә бир мәсәлә вар ки, о да бир аз Ирана аиддир. Ливан Һизбуллаһынын јарадыҹыларындан олмуш Шиә лидери, Ислам Дүнјасында нүфуз саһиби Имам Муса Сәдрин мәһз Ливијада итҝин дүшмәси. Ону ким вә кимин әли илә оғурлады? Әҝәр Гәддафи мәһкәмә өнүнә чыхарылсајды буну нә үчүн етдијини вә кимә ҝөрә етдијини демәк мәҹбуријјәтиндә галаҹагды. Онда да Гәрбин әләлхүсус АБШ-ын Ирана вә бүтүн Шиә аләминә ҹаваб вермәјә сөзләри олаҹагдымы? Чүнки АБШ чох ҝөзәл билир ки, бу мәсәләдә Иранын вә бүтүн Шиә аләминин гаршысында аҹиз дурумда галаҹаг. Она ҝөрә дә Гәддафинин сағ галмасы вә мәһкәмә өнүнә чыхарылмасы Гәрбин хејринә дејилдир. Бәзиләри дејирләр ки, инсанларын бир чохлары билир ки, Имам Муса Сәдрин оғурланмасында Гәрбин марағы бөјүк олуб. Инсанларын бир чохунун билмәси һамынын билмәси дејил. Ахы бүтүн инсанлар тәфәккүр әһли дејил! Онлар јалныз хәбәрләри иҹтимаијјәтдән, јәни ән чох телевизијадан алырлар. Әҝәр Гәддафини телевизија өнүнә чыхартсајдылар, онда бүтүн гара фәһләдән тутмуш тиҹарәтчијә гәдәр бу мәсәләдән аҝаһ олаҹагдылар. Бу фикир һеч дә јанлыш бир фикир дејил. Инсанлар ешитмәкдәнсә ҝөрмәјә үстүнлүк верирләр. Бурада ИСА пејғәмбәрин бир сөзү јадымыза дүшдү: "Сиз ҝөрмәдән инанмырсыныз, амма ән үстүнү ҝөрмәдән инанмагдыр"- бу сөзү бүтүн саһәләрә шамил етмирик, бу сөз анҹаг Илаһи әмрләрин иҹра олунмасинда дејилиб. Дүшүнүрүк ки, Гәддафинин өлүмү бир чох сирләрин ифша олунмасы вә бир чох сирләриндә онунла гәбрә ҝетмәси демәкдир.
Диггәт: Хәбәрдән истифадә етдикдә мәнбәјә истинад лазымдыр
