Әһли Бејт -АБНА- хәбәр аҝентлијинин вердији хәбәрә әсасән: Артыг хәбәр вердијимиз кими, Асија Диалогу Иҹтимаи Бирлијинин тәшкил етдији “Мави Мәрмәрә илә азадлыға” адлы бејнәлхалг тәдбир октјабрын 17-дә саат 11-дә “Авропа” отелиндә ишинә башлајыб.
Тәдбирдә чыхыш едән Авропа Јәһудиләри башгасы Дрор Фејлер, Гәззанын блокадасы битәнә гәдәр мүбаризәни давам етдирәҹәкләрини билдириб:
"Мән һәм 2010-да, һәм дә 2011-ҹи ил Азадлыг ҝәмиләриндә иштирак етмишәм. Вә сиздә белә бир суал ола биләр ки, биз нәјә ҝөрә бу ишә ҝетдик. Биз билирдик ки, гаршы тәрәф бизи өлдүрә биләр. Сәбәб чох ајдындыр.
Инсанлар бәрабәр һүгуга маликдир. Бу тәдбири хүсуси едән мүхтәлиф милләтләрин бир јердә олмасыдыр. Бизим һөкумәтләр һәмишә јүксәк сәслә бејнәлхалг һүгуглардан данышырлар, лазым олан шејләри исә етмирләр.
Орадакы инсанлары өлдүрмүрдүләр, гәтл едирдиләр. Она ҝөрә дә орадакы инсанлары Түркијә шәһиди јох, дүнја шәһиди елан етмәк лазымдыр.
Биз бу иши достларымызла бирҝә башлатмышыг вә һагсызлыға гаршы мүбаризәни даим давам етдирәҹәјик. Инсанлар јашадығы јердән асылы олмајараг ејни һүгуглара маликдирләр.
Биз өз мүбаризәмизи блокада там олараг галдырылана гәдәр давам етдирәҹәјик. Һаага трибуналына чыхана гәдәр давам етдирәҹәјик. Һеч кәс инсанлардан өз һагларындан истифадә етмәк һүгугуну ала билмәз".
Диггәт: Хәбәрдән истифадә етдикдә мәнбәјә истинад лазымдыр
