Әһли Бејт -АБНА- хәбәр аҝентлијинин вердији хәбәрә әсасән: Бир мүддәт әввәл давам едән ријакар сијасәтләри үҹбатындан Сурија халгынын дахилиндә иғтишашлар јаратмагла бу антисионист дөвләтин тезликлә мәһв олуб исраил ишғалчыларынын бөлҝәдәки чиркин сијасәтләринин јеринә асанлыгла јетирилмәсиндән өтрү чалышан Әрдоған дөвләти инди өзү бу чиркабын ичин уғрајыб.
Белә ки, дүнән Самсунда Азадлыг вә Һәмрәјлик Партијасы (ӨДП) үзвләри, Малатјанын Күрәҹик кәндинин АБШ илә Түркијә арасында имзаланан ракетдән мүдафиә системи разылашмасында база кими истифадә едилмәсинә етираз едибләр.
Партија функсионерләриндән Семра Күчүккаһјаоғлу билдириб ки, ракетдән мүдафиә системинин јеҝанә мәгсәди АБШ-ын мәнфәәтләрини мүдафиә етмәкдир. Империализмә асылылығы ҝүҹләндирән игтисади, дипломатик вә һәрби мүгавиләләр ләғв едилмәлидир. Һәрби базалар бағланылмалыдыр. Орта Шәргдә узун илләрдир Исраил дөвләтинин иҹра етдији ишғал вә Фәләстин халгынын танымамаг сијасәтләринә гаршы Фәләстин халгынын дөвләт гурмаг сәјләри дәстәкләнилмәлидир. Бу ҝүндән етибарән өлкәнин һәр јериндә кампанија башладырыг. 8 Октјабрда Анкарада ҝөрүшәҹәјик.
Диҝәр тәрәфдән исә бир груп БДП вә ҸҺП үзвләри Малатјада АКП һакимијјәтинин апардығы сијасәтә вә НАТО-нун ракетдән мүдафиә системинә етираз едибләр.
Диггәт: Хәбәрдән истифадә етдикдә мәнбәјә истинад лазымдыр
