Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда һиҹаб гадағасына етираз етдикләри үчүн мүһакимә олунан мүсәлманларла һәмрәјлик мәгсәдилә бејнәлхалг бир карван тәшкил едилиб. Мәркәзи Истанбулда олан Бејнәлхалг Ислами Әдаләт вә Азадлыг Комитәси бу аксијанын тәшкилатчысыдыр.
Азәрбајҹанда мәктәбләрдә һиҹабын гадаған едилмәсини вә Ислами дәјәрләрә истигамәтли сәрҝиләнән тәзјигләрә етираз етмәк, һиҹаб гадағасына етиразларына ҝөрә һәбс олунуб, һаггларында ағыр ҹәзалар истәнилән һиҹаб мәһбуслары илә һәмрәјлик мәгсәдилә, араларында инсан һаглары мүдафиәчиләри, журналистләр, һүгугчулар вә гејри-һөкумәт тәшкилатлары нүмајәндәләринин олдуғу бејнәлхалг бир карванын Азәрбајҹана ҝетмәси гәрарлашдырылды.
Комитә тәрәфиндән верилән шәрһдә, карванын нә вахт чыхаҹағы вә һаралардан кечәҹәји билдирилиб.
Бејнәлхалг Ислами Әдаләт вә Азадлыг Комитәси тәрәфиндән карван илә әлагәдар верилән шәрһдә, "бу ҝүн реҝионал Ислами ојаныш һәрәкәтләринин јајылдығы, залым диктаторларын ашдығы, инсанларын азадлыг вә әдаләт тәләбләри илә ајаға галхдығы бир дөврдә, Азәрбајҹанда диндар инсанлара тәтбиг олунан тәзјиг вә зүлмләр Ислам дүнјасынын диггәтини чәкиб вә бу зүлмә гаршы бејнәлхалг бир етираз һәјата кечирмәк гәрара алыныб. Тәхминән 50 машынла идарә олунаҹаг бу карван илә һәм Азәрбајҹандакы зүлмләри дүнја иҹтимаијјәтинә танытдырмаг, һәм дә Азәрбајҹанда ағыр ҹәза тәләбијлә мүһакимә олунан гардашларымызла сона гәдәр һәмрәј олдуғумузу ҝөстәрмәк истәјирик.
Шәрһин давамында, карванын Азәрбајҹана ҝиришинин гаршысынын алынаҹағы һалда лазым олан һәр ҹүр ҹәһдин едиләҹәји ифадә едилир: “Карванын Азәрбајҹана ҝиришинин гаршысынын алынаҹағы һалда Азәрбајҹандакы рәһбәрлијин мәсул олаҹағыны, һагсызлыг вә зүлмләр гаршысында мүгавимәтимизин артараг давам едәҹәјини гејд етмәк истәјирик."
Башда Азәрбајҹан Ислам Партијасынын сәдри Др. Мөвсүм Сәмәдов олмагла ағыр ҹәза мәһкәмәсиндә мүһакимә олунан һиҹаб мәһбуслары һаггында 12 ил һәбс ҹәзасы истәнилдијинә диггәт чәкилән шәрһдә бу хәбәрдарлыглар да ҝөстәрилди:
"Инанҹларыны вә динин һөкмләрини мүдафиә етмәкдән башга һеч бир ҝүнаһы олмајан инсанлар үчүн 12 ил һәбс ҹәзасынын истәнилмәси, бу өлкәдә диндар инсанлар үзәриндә нә ҹүр барбарҹа бир һүҹумун олдуғуну вә деспотизмин зирвәјә неҹә чыхдығыны ҝөстәрир. Дүнјанын һеч бир јериндә белә бир зүлм ҝөрүнмәмишдир. Азәрбајҹанын пајтахты Бакынын Ислам Мәдәнијјәтинин пајтахт шәһәри олараг таныдылдығы бир заманда, мүсәлман зијалыларын вә Ислам алимләр үчүн белә ҹәзалар истәнилмәси бизә Фирон дөврүнүн зүлмләрини хатырладыр. Азәрбајҹан конститусијасынын инсан һүгугларына һөрмәт, инанҹ вә ибадәт азадлығына јер вермәсинә гаршы, диндар инсанларын һүгугларынын ҝүҹлә гәсб едилиб һәбсханалара атылмасы һеч бир һүгуг вә гајда танымајан фашист диктаторлугларда ҝөрүлән бир вәзијјәтдир.
Унутулмамалыдыр ки, халгларын азадлыг тәләбијлә ајаға галхдығы бир дөврдә артыг диктаторлуғун өмрү дә түкәнмәк үзрәдир
Бу ҹәһәтдән, Азәрбајҹан рәһбәрлијини диндар инсанлара истигамәтли тәзјиг вә зүлмләрә дәрһал сон вермәјә, Ислами мүгәддәсатлара һөрмәтли олмаға, һиҹаб мәһбусларыны дәрһал бурахмаға чағырырыг.
Әкс һалда бунун әвәзинин ағыр олаҹағыны, мүсәлман үммәтинин гәзәбинин бир гәзәб һалында Азәрбајҹандакы диктаторлары да тапаҹағыны вурғуламаг истәјирик. "
Бејнәлхалг Ислами Азадлыг вә Әдаләт Комитәси1
Диггәт: Хәбәрдән истифадә етдикдә мәнбәјә истинад лазымдыр
