Әһли Бејт -АБНА- хәбәр аҝентлијинин вердији хәбәрә әсасән:
Мөвзу илә бағлы мүнасибәтини Дејерлер.орҝ-а ачыглајан “Азәрбајҹан Зијалылар Бирлији”нин сәдри Елдәниз Гулијев һесаб едир ки, Түркијә илә гәсбкар сионист режими арасындакы мүнасибәтләр лакмус ролуну ојнајыр. Онун фикринҹә, ишғал режиминин хүсусилә мүсәлман өлкәләринә паталожи нифрәти мөвҹуддур: “Түркијә вә Исраил режими арасында сон баш верәнләр лакмус кағызы кими сионист режиминин әмәлләрини ашкара чыхартды. Исраил режими бир даһа ҝөстәрди ки, сәрҝиләдији сијасәтдә сионизимә даһа чох јер верир. Гоншу өлкәләрә вә әләлхүсус мүсәлман өлкәләрә паталожи нифрәти вардыр. Бу нифрәт өзүнү заман-заман тәзаһүр етдирир. Бундан әлавә, бу, өзүнү даһа ајдын шәкилдә "Мави Мәрмәрә" һадисәсиндә ҝөстәрди. Ҝәмијә тәҹавүзү, гәсб һиккәси бүтүн дүнјанын ҝөзүнүн гаршысында олду. Бу әмәлинә ҝөрә Исраил режими нәинки үзр истәмәли, һәм дә бу кими әмәлләрдән әл чәкмәлидир. Баша дүшүлмәјән мәсәләләрдән бири дә АБШ-ын Исраил режиминә дәфәләрлә көмәк етмәсидир. Бунун мүгабилиндә һәр заман өзүнү “2 дөвләт, 1 милләт” шүары алтында ҝөстәрән Азәрбајҹан вә Түркијә мүнасибәтләри бу ҝүн Исраилә гаршы мәсәләдә ејни фикир сәрҝиләмир. Дүздүр, мән бу девизлә разыјам. Бу сәбәбдән дә мәни бу ики нүанс һәр заман нараһат едиб. АБШ һәр заман Исраил режимини әркөјүн ушаг кими һимајә едир. Вә буну АБШ һисс етмәсә дә, Исраил дә ҝет-ҝедә өз гуруҹусуну вә һимајәдарыны мәһв етмәјә доғру апарыр. О ајдын мәсәләдир ки, артыг заман јетишиб ки, биз һәр бир шеји олдуғу кими дејәк. Исраил режими һәшаратлар ичәрисиндә өзү-өзүнү өлдүрә билән әгрәб кими ҝүнбәҝүн зәһәрли гујруғу илә өзүнү зәһәрләјир. Јәни бу сон олан һадисәләр, "Мави Мәрмәрә" ҝәмисинә ағла сығмаз террор етмәси ону әгрәбә бәнзәдир. Ондан әввәл Гәзза бөлҝәсиндә төкдүјү ҝүнаһсыз инсанларын ганы вә с. Јүзләрлә белә ҹинајәләрлә нәтиҹәдә Исраил әгрәб кими өзү-өзүнү мәһв едәҹәкдир. Бир факты да гејд етмәк истәјирәм ки, артыг һамы билир вә ҝизләтмир ки, Гарабағ мүһарибәсиндә дә Исраил режими онларла ермәни забитләрин тәлимләр верәрәк өјрәдиб, сонра да һәмин забитләри Гарабаға ҝөндәрмишдир”.
Исраил режиминин ермәни дашнакларына тәлим вермәји азмыш кими сионист режимин ПКК тәрәфдарларына да јардым етдијини гејд едән зијалы, гәсбкарын бүтүн чәрчивәләри ашдығыны билдирир. “Бундан әлавә, Исраилин ПКК-ја јардым етмәси дә унудулмамалыдыр. Она һәрби дәстәк вермәси вә онлара бу ҝүн дә тәлимләр кечмәси артыг үзә чыхмагдадыр. Голтуғунун алтында ҝизләтдији нүвә башлыгларыны да бураја әлавә едәк. Вә сонда ону да гејд едим ки, артыг Исраил әркөјүнлүјүн дә чәрчивәләрини ашыб”.
Диггәт: Хәбәрдән истифадә етдикдә мәнбәјә истинад лазымдыр
