Әһли Бејт -АБНА- хәбәр аҝентлијинин вердији хәбәрә әсасән:
ДЕВАММ - ДИни Етигад вә Виҹдан Азадлыгларынын Мүдафиә Мәркәзи диндарлара гаршы нөвбәти тәгиб далғасындан ҹидди нараһатлығыны билдирир. Белә ки, августун 11-нә олан мәлумата ҝөрә, исламазери.аз интернет-гәзетинин баш редактору Һаҹы Рамин Бајрамов, илаһијјатчы Һаҹы Абҝүл Сүлејманов, АИП функсионери Кәрбәлаји Ариф Гәнијев мүхтәлиф анлашылмаз иттиһамларла һәбс едилмишләр. Мүгәддәс Рамазан ајында едилән бу һәбсләр, инанҹлы инсанлары хүсусилә сарсыдыр.
Диҝәр тәрәфдән, дини мүһитдә оруҹ тутан, намаз гылан кими, ибадәт әһли кими танынан инсанларын наркотик сахлама вә гәбул етмә, силаһ-сурсат тәдарүк етмә кими мүмкүнсүз иттиһамларла һәбс едилмәси инсан һагларынын позулмасы һалы олмагла бәрабәр, мәнәви дәјәрләрә гаршы сајғысызлыг кими дә гијмәтләндирилир.
ДЕВАММ олараг һесаб едирик ки, бу тәгиб вә һәбсләр сөзүҝедән шәхсләрин өзүнүифадәси илә бағлыдыр вә фактики олараг, онлара инкриминасија едилән иттиһамлара һеч бир аидијјәтләри јохдур.
ДЕВАММ олараг, Һаҹы Рамин Бајрамовун, Һаҹы Абҝүл Сүлејмановун, Кәрбәлаји Ариф Гәнијевин, еләҹә дә һәбсдә олан диҝәр илаһијјатчыларын вә диндарларын тәҹили азадлыға бурахылмасы үчүн чағырыш едирик.
Диггәт: Хәбәрдән истифадә етдикдә мәнбәјә истинад лазымдыр
