Әһли Бејт -АБНА- хәбәр аҝентлијинин вердији хәбәрә әсасән:
Фирузабади хәбәрдарлыгда билдирир ки, бәзи мүсәлман гоншу өлкәләр өз гоншулуг принсипләринә риајәт етмәјәрәк сионист режимә гуҹаг ачыб Илаһи һөкмләрин тәтбигиндә гадағалар гојурлар.
Өлкәнин Али Милли Тәһлүкәсизлик Шурасынын үзвү һәмчинин вурғулајыб “мән бунунла бағлы бир дәфә дә хәбәрдарлыг етмишдим ки, Аран халгынын дамарларында Иран ганы ахмагдадыр. Онларын гәлбиндә Ислам дининә вә Гурана мәһәббәт вар вә Әли (ә) аһәнҝи илә дөјүнүр.
О һәмчинин гејд етмишдир: “ Мән үмидварам ки, ҹәнаб Илһам Әлијев дөвләтчилијинин әсасы сүтунларына диггәт етсин ”. Әкс тәгдирдә гара бир ҝәләҹәк гаршыдадыр вә Аран халгынын ојанышыны јатырмаг мүмкүн олмајаҹаг.
Гејд едәк ки, бу ҝүнләрдә Азәрбајҹан һакимијјәти Азәрбајҹан Ислам Партијасынын функсионерләринә гаршы иттиһамла бағлы мәһкәмә просесләри апарыр. Бу шәхсләр дөвләт чеврилиши, дөвләтин тәһлүкәсизлијинә гаршы бир сыра ҹинајәтләрдә вә ганунсуз силаһ ҝәздирмә маддәләри илә сучландырылырлар.
Хатырладаг ки, Азәрбајҹан дөвләтинин өтән илдән орта тәһсил мүәссисәләриндә гыз шаҝирдләрин баш өртүјү ҝејинмәләринә јасаг гојмасы диндарларын гәти етиразына сәбәб олду вә бу һалы “һиҹаб гадағасы” адландырдылар.
Буна ҝөрә дә Азәрбајҹан Ислам Партијасынын сәдри Мөвсүм Сәмәдов дөвләтин бу аддымына етираз етмәклә өлкә башчысынын әлејһинә чыхыш едәрәк өлкә мүсәлманларынын дөвләтин бу аддымынын гаршысында сакит дајанмајаҹаглары хәбәрдарлығыны етди.
Артыг 8 ајдыр ки, Сәмәдов һәбс олунараг сахланылыр. Азәрбајҹан Дахили Ишләр Назирлији ону иғтишаш јаратма, инсанлары ҹиһада, иҹтимаи асајишы позмаға тәшвиг етмәкдә ҝүнүһландырыр. Һал -һазырда һамы мәһкәмәнин онлара гаршы чыхараҹағы гәрары ҝөзләјир.
Диггәт: Хәбәрдән истифадә етдикдә мәнбәјә истинад лазымдыр
