Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда инсанларын өзүнә гәсд етмәси илә бағлы ачыгланан фактлар реаллығы әкс етдирмәсә дә, мәлум олан рәгәмләр проблемин ҝетдикҹә даһа ҹиддиләшдијиндән хәбәр верир. “Демократ” гәзетинин апардығы арашдырма нәтиҹәсиндә мәлум олан исә будур ки, 2011-ҹи илин 6 ајы әрзиндә өлкәдә 225 интиһар баш вериб.
Һәмишәки кими һәјатына ән чох гәсд едәнләр Бакынын ајры-ајры рајонларынын сакинләридир. Кишиләр интиһар едәнләр арасында јенә чохлуг тәшкил едир. Инсанларын чоху бу дүнја илә видалашмаг үчүн өзүнү асыр. Чај үстүндәки көрпүләрдән, биналарын мүхтәлиф мәртәбәләиндән өзләрини атанлар, сиркә туршусу вә диҝәр кимјәви тәркибли мәһлуллар ичмәклә һәјатына гәсд едәнләр дә олур. Сон заманларса бир чоху өзүнү ҝүлләләмәклә интиһар едир.
Оғуз рајонунун Јагублу кәндиндә јашајан, әслән Кәлбәҹәр рајонундан олан мәҹбури көчкүн Әли Әдирханов јашадығы үнванда одлу силаһдан атәш ачараг өзүнү өлдүрүб. Ики ушаг атасы олан мәрһумун өзүнә гәсд етмәсинин сәбәбләри барәдә һеч бир мәлумат верилмәјиб.
Ҝөјҝөл рајонунун Тоғана кәнд сакини, 79 јашлы Һүсејнгулу Вердијев дә ов түфәнҝи илә үрәк наһијәсиндән атәш ачараг өзүнү өлдүрүб.
Нәриманов рајонунда 41 јашлы али тәһсилли Илгар Бајрамов, Хачмаз шәһәриндә 74 јашлы Аббасгулу Пашајев өзләрини ов түфәнҝи илә вурублар.
6 ајда 15 мәктәбли вә јенијетмә интиһар едиб
Хачмаз шәһәр сакини 14 јашлы Елдар Һејдәров вә Гымылгышлаг кәнд сакини 12 јашлы Асвар Меһдијев өзләрини асыблар.
Минҝәчевир шәһәр 18 сајлы орта мәктәбинин 11-ҹи синиф шаҝирди, 1993-ҹү ил тәвәллүдлү Чинарә Мүнасиб аиләси илә бирликдә јашадығы мәнзилин пәнҹәрәсиндән өзүнү атыб.
Товуз рајонунун Әсрик Ҹырдахан кәнд сакини 11 јашлы Әсҝиназ Мәммәдова јашадығы евин чардағындан өзүнү асыб. Һадисәнин гызын өз атасынын мәзарыны зијарәт етмәк истәмәси, лакин нәнәсинин буна иҹазә вермәмәси зәмининдә баш вердији билдирилиб.
Биләсувар шәһәр сакини 15 јашлы Мирзәбаба Гулијев јашадығы евин һәјәтиндә јардымчы тикилидә өзүнү асыб.
Зәрдаб рајонунун Бәјимли гәсәбәсиндә Уҹар рајонунун Гарадағлы кәнд сакини, 9-ҹу синиф шаҝирди Наһид Әһмәдов өзүнү валидејнләринин чалышдығы фермада асыб. Рајонун Чаллы кәндиндә исә 10-ҹу синиф шаҝирди 16 јашлы Камил Мурадлы өзүнү асыб.
Нефтчала рајонунун Банкә гәсәбәсинин сакини 16 јашлы Рәсул Ҹәфәрову атасы јашадығы евин һәјәтиндә асылмыш вәзијјәтдә тапыб.
Ләнкәран рајонунун Болади кәнд сакини, 17 јашлы, нишанлы Сәдагәт Исмајылова мәлум олмајан сәбәбдән интиһар едиб.
Ағсу рајонунун Рәһимли кәнд сакини 17 јашлы Тејмур Мәммәдов өзүнү јашадығы мәнзилдә өлдүрүб.
Ијунун 6-дан 7-нә кечән ҝеҹә Ҝәнҹә шәһәриндә аиләси илә бирликдә кирајәдә галан Тәртәр рајон сакини 15 јашлы Бәдирли Надир гызы өзүнү кәндирлә асыб.
Шабран рајонунун Баш Әмирханлы кәнд сакини 14 јашлы Ҝүләсәр Абышованы аилә үзвләри ијунун 7-дә јашадығы евин һәјәтиндә иплә асылмыш вәзијјәтдә тапыблар.
Талыш зонасы сакинләри даһа чох интиһар едир
Рәсмән ачыгланан мәлуматлара ҝөрә, өтән јарым ил әрзиндә ән чох өзүнәгәсд һадисәси ҹәнуб бөлҝәсиндә баш вериб. Бурада 22 нәфәр интиһар едиб. Онларыдан 15-и киши, 6-сы гадын, бири јенијетмәдир. Ләнкәран интиһар фактына ҝөрә (12 нәфәр) бөлҝәдә јенә өндәдир.
Бу факты исә аилә драмы һесаб етмәк олар. Ләнкәран шәһәр сакини 45 јашлы Илһам Бајрамов јашадығы мәнзилдә өзүнү асыб. Наркотик алудәчиси олан И.Бајрамовун һансы сәбәбдән интиһар етмәси мәлум дејил. Амма Бајрамовун өзүнү өлдүрмәси онун аиләсиндә шок јарадыб. Атасынын интиһарындан хәбәр тутан 17 јашлы оғлу Фариз үлҝүҹлә дамарларыны кәсиб. Чохлу ган итирән јенијетмә тәҹили олараг хәстәханаја чатдырылыб. Онун вәзијјәтинин ағыр олдуғу билдирилсә дә, сонракы талеји илә бағлы мәлумат верилмәјиб.
Астара рајонунда исә арвадынын тәрк етдији киши өзүнә гәсд едиб. Әрчиван кәнд сакини 52 јашлы Ваһид Мәммәдов јашадығы евдә кәндирдән асылмыш вәзијјәтдә тапылыб. Мәлумата ҝөрә, руһи хәстә олан Ваһиди 3-4 ил бундан әввәл һәјат јолдашы тәрк едәрәк ики ушағы илә бирликдә атасы евинә ҝедиб.
Шимал бөлҝәсиндә дә мүхтәлиф сәбәбләрдән һәјатына гәсд едәнләр 6 ајда 22 нәфәр олуб. Ән чох интиһар исә Хачмаз рајонунда гејдә алыныб. Јарым илдә гәрб бөлҝәсиндә 18 (Ҝәнҹәдә 6 нәфәр), шимал-гәрб бөлҝәсиндә исә 14 нәфәр (бунлардан 4-ү Гәбәлә рајонундандыр) интиһар едиб.
Тәҹридхана вә полисдә интиһарлар
Илин әввәлиндән Әдлијјә Назирлији Пенитенсиар Хидмәтинин мүхтәлиф тәҹридханаларында вә рајон полис идарәләриндә мүәммалы өзүнәгәсдләр баш вериб.
Пенитенсиар Хидмәтин Ҝәнҹә шәһәриндә јерләшән 2 сајлы истинтаг тәҹридханасында Шәмкир сакини 31 јашлы Чәркәз Ибраһимов сахландығы камерада өзүнү өлдүрүб. О, Ҹинајәт Мәҹәлләсинин 120.1-ҹи (гәсдән адамөлдүрмә) маддәси илә тәгсирләндирилирди. Ибраһимов 2010-ҹу ил декабрын 1-дә гардашы 29 јашлы Елсевәри бычагла гәтлә јетириб.
Пенитенсиар Хидмәтин Низами рајону әразисиндә јерләшән 1 сајлы Ҹәзачәкмә Мүәссисәсиндә ҹәза чәкән 49 јашлы Асим Мәммәдов өзүнү һәбсхана бинасынын пәнҹәрәсиндән ашағы атыб. О, Ҹинајәт Мәҹәлләсинин 221.3-ҹү (силаһдан вә ја силаһ гисминдә истифадә едилән әшјалары тәтбиг етмәклә хулиганлыг етмә) маддәси илә 5 ил мүддәтинә азадлыгдан мәһрум едилибмиш.
Пенитенсиар Хидмәтин 3 сајлы Истинтаг Тәҹридханасында сахланылан Рөвшән Меһрәлијев өзүнү асараг өлдүрүб. Меһрәлијев дөрд аилә үзвүнү гәтлә јетирмәкдә тәгсирли билинирмиш.
30 јашлы Елшән Мустафајев Бәрдә Рајон Полис Шөбәсиндә һәјатына гәсд едиб. Әввәлләр Ҹинајәт Мәҹәлләсинин 145-ҹи (ганунсуз азадлыгдан мәһрум етмә), 132-ҹи (адам дөјмә) вә 310-ҹу (вәзифәли шәхсин сәлаһијјәтләрини мәнимсәмә) маддәләри илә мәһкум олунан Мустафајев бу дәфә оғурлуг етдијинә ҝөрә тутулубмуш.
Һәрбчиләр нијә интиһар едир?
Азәрбајҹан ордусунун әсҝәрләри, һәтта забитләри дә өзләринә гәсд етмәкдә давам едирләр. 6 ај мүддәтиндә бир нечә белә факт гејдә алыныб. Мүдафиә Назирлијинин Нафталан шәһәриндә јерләшән Н сајлы һәрби һиссәсинин тагым командири, баш лејтенант Анар Малик оғлу Мәһәррәмов Шәкидә јашадығы евдә өзүнү асыб. Верилән мәлумата ҝөрә, ики ушаг атасы олан 24 јашлы һәрбчи аиләси илә бирликдә Шәкијә ҝәләркән Јевлахда Пост Патрул Хидмәтинин әмәкдашлары ону сахлајыблар. Бундан сонра һәрбчи илә полисләр арасында мүбаһисә баш вериб вә аиләсинин ҝөзү гаршысында А.Мәһәррәмов тәһгир олунуб. Сонра ону Минҝәчевир полисинә апарыблар. Орда да һәрбчијә гаршы ашағылајыҹы һәрәкәтләр едибләр. Даһа сонра А.Мәһәррәмовун гуллуг етдији һәрби һиссәнин мәсул шәхсләри ҝәлиб ону һәрби һиссәјә апарыблар. Тәһгир олунмасына дөзмәјән А.Мәһәррәмовун евә ҝәләрәк өзүнү асдығы билдирилир.
Дөвләт Сәрһәд Хидмәтинин Ҹәлилабад рајонунун Сәрх
