Әһли Бејт -АБНА- хәбәр аҝентлијинин вердији хәбәрә әсасән: Русија Либерал Демократ Партијасынын сәдри Владимир Жириновски русларын Түркијәјә истираһәтә ҝетмәсинин гаршысынын алынмасыны тәклиф едиб. О, бу тәклифи Бодрумда рус туристләрин сахта алкоголлу ичкидән зәһәрләнмәсиндән данышаркән ирәли сүрүб. Русијалы сијасәтчинин фикринҹә, бу һадисә сәбрин дашмасына сәбәб олуб. “Тәкҹә кечән ил Түркијәдә 78 рус турист јол гәзаларында вә дәниздә боғулараг өлүб. Бу ил дә рәгәм ејнидир. Үстәлик, зәһәрләнмә һадисәси дә баш верди. Түркләр ҝүнү-ҝүндән ловғалашырлар. Бизи диггәтә алмырлар. Туристләримизин бүтүн пулларыны алырлар, бунун мүгабилиндә һеч бир тәһлүкәсизлик тәдбири ҝөрмүрләр. Бу, он илләрдир давам едир”, - партија сәдри “Вести” телеканалына мүсаһибәсиндә дејиб.
Владимир Жириновски һесаб едир ки, руслар Түркијәјә ҝетмәсәләр, Түркијә өзүнә ҝәләҹәк вә ҝәрәкли тәһлүкәсизлик тәдбирләри ҝөрәҹәк. “Ора ҝетмәкдән имтина едәк. Дәрһал һәр шеј едәҹәкләр. Чүнки илдә бизим һесабымыза 3 милјард доллар газанырлар. Бу, онлар үчүн бөјүк пулдур. Рус туристләр ҝетмәсә, ики һәфтәдән сонра түркләр ајаг үстдә чәтинликлә дајанаҹаглар. Туристләримизи һава лиманларында гаршылајыб, әлләриндә ҝәздирәҹәкләр”.
Владимир Жириновски рус туристләрин тәк Түркијәјә јох, Мисир, Тајланд, Вјетнам, Доминик Республикасына сәфәрләринин дә гадаған едилмәсини истәјир.
Диггәт: Хәбәрдән истифадә етдикдә мәнбәјә истинад лазымдыр
