Әһли Бејт -АБНА- хәбәр аҝентлијинин вердији хәбәрә әсасән: Ермәнистанын А1+ сајтында белә бир мәлумат јер алмышдыр ки, бу өлкәнин баш назири истефаја ҝөндәриләҹәк. Белә ки, тәсдиг олунмуш ҝүндәлијә әсасән Ермәнистан парламентинин нөвбәдәнкәнар иҹласы ҝөзләнилир. Парламентә јахын мәнбәләрдән верилән мәлумата ҝөрә, депутатлар иҹласда Тигран Саркисјана етимадсызлыг ҝөстәрмәјә һазырлашырлар. Мәлуматда о да билдирилир ки, баш назир вәзифәсини мүвәггәти олараг парламентин сәдри Овик Абрамјан иҹра едә биләр. Белә олан һалда онун вәзифәсини мүавинләриндән бири јеринә јетирәҹәк.
Дејиләнә ҝөрә, сон заманлар Тигран Саркисјан екс президент Роберт Кочарјанла әлагәләрини мөһкәмләндирмиш, бу исә һазыркы өлкә башчысы Серж Саркисјанын хошуна ҝәлмәмишдир. Бизнес марагларынын тоггушмасы нәтиҹәсиндә ермәни сијаси елитасы ики һиссәјә парчаланмышдыр ки, бу да Роберт Кочарјанын тәрәфдарларынын ҝет-ҝедә артмасына сәбәб олмушдур. Һазырда ермәни олигархлары тәрәддүд ичәрисиндәдирләр. Бир тәрәфдә онлары сијасәт сәһнәсинә ҝәтирмиш екс президент, диҝәр тәрәфдә бу вәзијјәти горујуб сахлајан һазыркы президент дајаныр. Ону да гејд едәк ки, Серж Саркисјаны да ејни "Гарабағ кланындан" олан Роберт Кочарјан президентлик күрсүсүндә отуртмушду.
Диггәт: Хәбәрдән истифадә етдикдә мәнбәјә истинад лазымдыр
