ССРЫ прокуроруна ҝизли лент јазысы өтүрдүләр...
ССРЫ прокурорлуғунун мүһүм ишләр үзрә мүстәнтиги Колиниченко “Азадлыг”ын әмәкдашы илә сөһбәтини давам етдирир: “Ҝизли сех” рәисләри һәбс едилдиләр, нөвбә Саша Бабајевә чатды. Әлијев баш прокурор Роман Андрејевич Руденкоја зәнҝ етди, она Саша Бабајевин “ҝизли сех саһибләри” илә әлагәси олдуғу барәдә мәлумат верди. Бундан әввәл Әлијев прокурор Гамбај Мәммәдову јанына чағырды вә прокурорун јахын адамы олан Бабајевин һәбсилә бағлы санксија вермәсини ондан тәләб етди.
әввәли өтән сајымызда
Әлијев Руденкоја билдирди ки, Мәркәзи Комитә республика прокурорлуғуна инанмыр, буна ҝөрә дә ишин ССРИ прокурорлуғунун мүһүм ишләр мүстәнтигләриндән биринә верилмәсини истәјир. Ынамсызлыг јаратмаг үчүн фактлар чохдан һазырланмышды. Ҝизли милисләр Москва меһманханаларынын бириндә Саша Бабајевин ССРИ прокурорлуғунун бир груп әмәкдашы илә бирликдә әхлагсыз гадынларла ејш-ишрәт мәҹлисини лентә көчүрмүшдү. Руденкону инандырмаг үчүн ленти она ҝөстәрдиләр. Мәркәзи апаратын лентә дүшмүш әмәкдашлары ишдән говулду. Азәрбајҹана исә јохлама апармаг үчүн хүсуси истинтаг групу ҝөндәрилди.
Әлијевин әлинә имкан дүшмүшдү. Бабајевин ишиндән истифадә едәрәк прокурорлугда јохлама башлады...
Иш јолдашларынын ҝүлләләнмәсиндә иштирак едән прокурор
Архив материалларында бу һадисә илә бағлы нәләр тапмаг олур?
Рәшид Маркарович Казарјан прокурорлугда 13-ҹү мааш алан тәк-түк прокурорлардан биријди. Она ҝөрә ки, өлүм һөкмләринин јеринә јетирилмәсинә нәзарәт прокурору иди. Һәмин ҝүн бу ермәни әсилли прокурор Бајыл түрмәсинә ҝәлди. Әввәлкиләрдән фәргли олараг, о, бу дәфә һәр ҝүн ҝөрдүјү, әл вердији, дәфәләрлә чөрәк кәсдији иш јолдашларынын - прокурорларын ҝүлләләнмәсиндә иштирак едәҹәкди. Ибраһим Бабајевин вә Изик Гулијевин нијә һәбс едилдијини, һагларында белә ағыр һөкм чыхарылдығыны һамыдан јахшы өлкәнин биринҹи адамы билирди. Чүнки “ҝизли сехләр”и прокурорлар дејил, назирләр ачдырмышды. Бурдан ҝәлән пулларын чоху да елә онларын ҹибинә ҝедирди.
Бир аздан ҝүлләләнмә һөкмү кәсилмишләри әмәлијјат отағына ҝәтирдиләр. Ермәни прокурор башгаларындан фәргли олараг кимләрин ҝүлләләндији барәдә дүшүнмүрдү.
Баш назирин оғлу ҝүлләләнмә отағында
