Әһли Бејт -АБНА- хәбәр аҝентлијинин вердији хәбәрә әсасән: Мајын 27-дә Нәсими Рајон Мәһкәмәсиндә халг һәрәкаты фәалы, хулиганлыгда иттиһам олунан Немәт Пәнаһлынын вә онун досту Ҹејһун Фәрзуллајевин мүһакимәси давам едиб. “Медиа форум” сајтына мәлумат верән Немәт Пәнаһлынын гардашы Сәмәд Пәнаһлы просесә ҝәлән адамларын зала кечмәсиндә проблем олдуғуну дејиб: “Просес саат 9:15-дә башламалы иди. Артыг сәһәр саат 9-а 10 дәгигә галмыш мәһкәмә бинасынын гаршысында ичи полис әмәкдашлары илә долу беш Чевик Полис Алајы машыны, еләҹә дә мүлки ҝејимли шәхсләр варды. Онлар бизи, еләҹә дә просеси изләмәк истәјән диҝәрләрини ичәри бурахмаг истәмәдиләр. Һәтта мәһкәмәнин һәјәтинә белә бурахмырдылар. Јалныз вәкил Самир Исајевин, мәһкәмә нәзарәтчиләринин мүдахиләсиндән сонра ичәри дахил олдуг. Мәһкәмә залына дахил оланда исә һәмин мүлки ҝејимли шәхсләрин јерләрин чохуну тутдугларыны ҝөрдүк”.
Сәмәд Пәнаһлынын вердији мәлумата ҝөрә, бу ҝүн кечирилән просесдә вәкил Самир Исајев өтән просесдә ифадә вермиш тибби ексретин изаһатына даир вәсатәтлә чыхыш едиб. Мүдафиә тәрәфи тәләб едиб ки, тибби експерт јенидән мәһкәмәјә ҝәләрәк ифадә версин вә ејни заманда алтернатив, мүстәгил експерт мәһкәмәјә дәвәт едилсин вә онун рәји өјрәнилсин. Һаким Елман Әһмәдов бу вәсатәти тәјин етмәдијинә ҝөрә мүдафиә тәрәфи һаким һејәтинә етираз едилиб. Вәсатәт исә тәмин олунмајыб. Бундан сонра Немәт Пәнаһлыја сөз верилиб. О, һәбсинин сијаси характер дашыдығыны, јаздығы мәгаләләрә ҝөрә, һазырладығы, лакин чап олунмајан китабына ҝөрә шәрләндијини билдириб.
Сәмәд Пәнаһлынын сөзләринә ҝөрә, дөвләт иттиһамчысы мәһкәмә просесинин бу ҝүн битмәсини, һакимин иттиһам олунанлара һөкм охумасыны истәјиб. Лакин мүдафиә тәрәфи буну етираз едиб. Һаким просесин ијунун 1-дә, саат 14.30-да давам етдирилмәси барәдә гәрар вериб.
Диггәт: Хәбәрдән истифадә етдикдә мәнбәјә истинад лазымдыр
