Әһли Бејт -АБНА- хәбәр аҝентлијинин вердији хәбәрә әсасән: Астара рајонунда дәниздә батан мәктәблинин мејити тапылды. Рајон Прокурорлуғундан верилән мәлумата ҝөрә, 4 ҝүн әввәл дәниздә батан 15 јашлы Орхан Мәммәдовун мејити дүнән саһилә чыхыб.
Мәктәблинин мејитини өз валидејнләри тапыб. Белә ки, мејитин дәниздән чыхарылмасы үчүн һадисә јериндә ахтарыш апаран далғыҹ-хиласедиҹиләрлә јанашы, ата-ана да дәниз саһилиндә кешик чәкибләр. Дөрд ҝүн, дөрд ҝеҹә дәниз кәнарында өвладларындан хәбәр ҝөзләјән валидејнләр дүнән О.Мәммәдовун далғанын вуруб саһилә чыхардығы мејитини елә өзләри тапыблар.
Хатырладаг ки, һадисә мајын 24-дә ҝүнорта саатларында баш вериб. Орхан Мәммәдов 3 досту илә дәнизә чиммәјә ҝедиб. Достлар әјләнмәк мәгсәдилә кимин сујун алтында даһа чох галмасы үчүн мәрҹләшибләр. Суја баш вуран достлардан 3 нәфәр чыхса да, Орхан судан чыхмајыб.
О.Мәммәдов орта мәктәбин 9-ҹу синфиндә охујурду.
Диггәт: Хәбәрдән истифадә етдикдә мәнбәјә истинад лазымдыр
