Әһли Бејт - АБНА - хәбәр аҝентлијинин вердији хәбәрә әсасән: Фактхебер.ҹом сајты Сүлһ вә Демократија Институтунун рәһбәри Лејла Јунус илә актуал чох мараг дојуран мәгамлар һаггында мүсаһибә алмышдыр.
Мүсаһибәни диггәт нәзәринизә чәкирик:
- Лејла ханым, бејнәлхалг тәшкилатлар нијә исламчылары мүдафиә етмирләр?
- Мән белә дүшүнмүрәм. Сүлһ вә Демократија Институту кимә мәһкәмәләр ганунсуз ҹәза кәсибсә, онлары сијаһыја алыр вә бејнәлхалг тәшкилатлара ҝөндәрир. Мән һеч вахт кимәсә ајры-сечкилик олунсун, јахуд кимисә танымасынлар вә саир һаллара раст ҝәлмәмишәм. Ислам Партијасынын рәһбәрини бу ил тутублар, бу мәлуматлары биз инди јазырыг. Әминәм ки, һеч бир ајры-сечкилик олмајаҹаг. 2002-ҹи илдә Нардаран һадисәләриндә полис диндарлара гаршы зор ишләдиб һәбс едәндә биз онлары сијаһыја алдыг. Бу сијаһыларла Авропа Шурасынын Сијаси Мәһбусларла үзрә Комиссијасы ишләјир. Јанвар ајында һәбсләр баш верәндән сонра гәрб дипломатлары мәндән исламчыларла ҝөрүш тәшкил етмәји хаһиш етдиләр. Јанварын 25-дә биз ҝөрүш тәшкил етдик. АБШ, Норвеч сәфирликләринин нүмајәндәләри Ислам Партијасынын үзвләри вә онларын аилә үзвләри илә бизим офисдә 2 саата јахын ҝөрүш кечирдиләр.
- Бејнәлхалг тәшкилатларын инсан һаглары илә бағлы вердији рәјләр објектив олур, јохса гәрәзли?
- Бејнәлхалг Амнистија, Ишҝәнҹәләрә Гаршы Дүнја Тәшкилаты, Һуман Риҝһтс Wатҹһ, Сәрһәдсиз Репортјорлар, АТӘТ, Авропа Шурасы, Авропа Бирлији вә саир тәшкилатларын һесабатлары мән дејә биләрәм ки, там објективдир, реаллығы 100 фаиз әкс етдирир. Анҹаг ола билсин ки, һансыса мәсәлә орада јер алмајыб, онун да сәбәби мәлуматын чатмамасыдыр. Амма Бирләшмиш Милләтләр Тәшкилатынын Бакы офиси чох зәиф ишләјир. Елә бил јохдур. Онлар һеч Чин гачгынларына да көмәк етмирләр. Һесаб едирәм ки, онларын һесабатлары објектив дејил. Чалышырлар ки, һеч кимә дәјмәсинләр. Авропа Бирлији објектив бәјанатлар гәбул едир. Бүтүн тәшкилатлар реаллығы ҝөстәрирләр, садәҹә бу нисбидир.
- Мајын 10-да әфв, јахуд амнистија ола биләрми?
- Хәбәрим јохдур.
- Коррупсијаја гаршы мүбаризәнин ҝедишиндән разысынызмы?
- Коррупсијаја гаршы мүбаризә ҝедир? Хәбәрим јохдур. Февралын 4-дә Сүлһ вә Демократија Институтунун адындан Илһам Әлијевә, Рамиз Меһдијевә, Рамил Усубова, Рамиз Рзајевә бир сәнәд ҝөндәрдим. Илһам Әлијев вәтәндашлара мүраҹиәт едәрәк дејир: “Биз коррупсијаја гаршы мүбаризә апарырыг. Әҝәр сиздә коррупсија илә әлагәдар мәлуматлар варса, бу мәлуматлары Президент Апаратына ҝөндәрин”. Мән сәнәддә билдирдим ки, президентин бу бәјәнатына истинад едәрәк сизә мәлуматлары ҝөндәрирәм. Сәнәддә ҝөстәрирәм ки, Һаҹыбала Абуталыбовун өтән ил дә, бу ил дә 16 јанварда бәјәнатлары вар. Һаҹыбала Абуталыбовун бу бәјәнатлары коррупсијаја јашыл ишыгдыр. Чүнки Һ.Абуталыбов дејир ки, вәтәндашлар (Фүзули, Топчубашов вә диҝәр күчәләрдә јашајанлар) өз евләрини һөкумәтә јох, физики шәхс Рүфәт Казымова сатсынлар. Бәс о бу гәдәр еви алмаға һардан пул алсын? Дөвләт Нефт Ширкәти, Назирликләр, Әмлак Мәсәләләри үзрә Дөвләт Комитәси онун һесабына пул көчүрсүнләр. Дөвләт Нефт Ширкәти Рүфәт Казымовун һесабына артыг 5 милјон манат пул көчүрүб. Диҝәр гурумлар да 100 минләрлә пул көчүрәҹәкләр. Бу коррупсија дејил, нәдир? Әҝәр дөвләр ев алмаг истәјир, ганун чәрчивәсиндә алсын. Президент гол чәкән сәнәд олур ки, филан әразидә парк тикиләҹәк, бүдҹәдән дә мүәјјән гәдәр пул ајрылыб. Јохса һәр һансы физики шәхс, Р.Казымов ев алыр, мән һеч вахт сүбут едә билмәрәм ки, дөвләтә ев сатмышам. Инсанлара ишҝәнҹә верирләр. Нәсими рајон Полис Идарәсинин рәиси Мәммәд Микајылов вәтәндашлары газамата салыб евләрини сатмаға мәҹбур едир. Әҝәр бу коррупсија дејил, нәдир? Дөвләт Нефт Ширкәти бизим нефт пулларымызы һансыса физики шәхсин һесабына көчүрүр. Мән о сәнәддә сајмышам, Ҹинајәт Мәҹәлләсинин һансы маддәләри Һаҹыбала Абуталыбова, Мәммәд Микајылова, Кәрәм Һәсәнова дүшүр. Бу сәнәди ҝөндәрдим, амма индијә кими ҹаваб алмамышам. Коррупсијаја гаршы мүбаризә елә-белә сөздүр, дејирләр. Әслиндә исә 100 минләрлә манат силинир, коррупсија олунур, вәтәндашларын әлиндән евләрини ганунсуз алырлар.
- Әҝәр Илһам Әлијев һәгигәтән коррупсијаја гаршы мүбаризә апармаг истәмирдисә, о бәјәнатын мәнасы нә иди?
- Бу суала Мирвари Гәһрәманлы јахшы ҹаваб верә биләр. Чүнки о деди ки, бу илин әввәлләриндә Бејнәлхалг Банк Азәрбајҹан игтидарынын гаршысына һансыса тәләбләр гојуб. О тәләбләрдән бири дә коррупсијаја гаршы мүбаризә иди.
- Инанырсынызмы ки, Азәрбајҹан һөкумәти нә вахтса һәгигәтән коррупсијаја гаршы мүбаризә апараҹаг?
- Бизим игтидарымыз коррупсија илә јашајыр. Бу онларын дамарындакы ганына да кечиб. Инанмырам ки, онлар дамарларыны кәсиб өлсүнләр.
- Ҝүл бајрамынын кечирилмәсинә еһтијаҹ вармы? Үмумијјәтлә, бу бајрамын маһијјәтини неҹә баша дүшүрсүнүз?
- Бу бајрамын маһијјәтини баша дүшмүрәм. Белә бир бајрам кечирмәјә һеч бир еһтијаҹ јохдур. Бакыда чохлу ағаҹлары кәсибләр, һава јохдур. Мән бир азәрбајҹанлы кими, бакылы кими истәрдим ки, даһа чох ағаҹ алсынлар, булварда, паркларда ағаҹ әксинләр. Парк салынаҹаг јердә еви олан вәтәндашлара пул версинләр ки, онлар да евләрини сатыб өзләринә ев ала билсинләр. Әҝәр ағаҹ әксәјдиләр, мән бу аддымы дәстәкләјәрдим.
Диггәт: Хәбәрдән истифадә етдикдә мәнбәјә истинад лазымдыр
