Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Иҹтимаи Палатнын тәшкил етдији 2 Апрел митингиндән әввәл өлкәнин ики нүфузлу руһаниси вә тәшкилат сәдрләриндән бири суткалыг һәбс ҹәзасына мәһкум олунуб. Јерли мүхалифәтин тәшкил етдији аксијалара диндарларын гошулаҹағындан еһтијатланан мөвҹуд һакимијјәт, Бинә гәсәбәсиндән һаҹы Илһам Әлијеви, Сумгајыт шәһәриндән сејјид Ибраһими вә Милли Мәнәви Дәјәрләр Иҹтимаи Бирлијинин сәдри Меһди Мәммәдову һәбс едиб. Мөвзу илә бағлы Һиҹаб вә Һиҹаб Гадағасы Мәһбусларынын Мүдафиә Комитәси вә Азәрбајҹан Мүбариз Руһаниләри бәјанат јајраг, диндарларын һәбс олунмасыны писләјиб. Бунунла бағлы мүнасибәт билдирән руһани Товһид Ибраһимбәјли, руһаниләрин һәбс олунмасына ганунсузлуг адландырды. "Һәр үч шәхсин һәбс олунмасы ганунсуздур вә бу инсан һаггларынын кобуд сурәтдә позулмасы демәкдир. Руһаниләрә бу ҹүр мүнасибәт гәбулолунмаздыр. Биз бунунла бағлы лазым оларса мәһкәмәјә дә мүраҹиәт едәҹәјик"-дејә руһани билдириб.
Диггәт: Хәбәрдән истифадә етдикдә мәнбәјә истинад лазымдыр.
