Әһли Бејт -АБНА- хәбәр аҝентлијинин вердији хәбәрә әсасән: Иран халгы Ислам Ингилабынын гәләбә чалмасынын 32-ҹи илдөнүмү әрәфәсиндә мүбарәк Фәҹр онҝүнлүјүнү әзиз тутараг, Ислам Ингилабынын гәләбә чалдығы о һәссас вә әзәмәтли ҝүнләрин хатирәсини аныр.
Фәҹр онҝүнлүјү һәмчинин Ислами Иранын инкишафы јолунда елм, сәнаје вә јени инфраструктурларын јарасылмасы саһәсиндә иҹра едилән лајиһәләрин истифадәјә верилмәси үчүн мүнасиб фүрсәт сајылыр.
Ислам Ингилабынын Бөјүк Рәһбәри Һәзрәт Ајәтуллаһүл-үзма Имам Хаменеи Теһранын өтән ҹүмә намазы хүтбәләриндә вердикләри сон бәјанатларында бу илки Фәҹр онҝүнлүјүнү вә 22 Бәһмәнин башга бир әһвал-руһијјәјә малик олдуғуну вурғуладылар. Чүнки, халг узун илләр давам едән сәј вә тәлашын ардынҹа һазырда өз сәсинин, мәзлумҹасына амма, там игтидарлы олан фәрјадынын бу ҝүн Ислам Дүнјасынын мүхтәлиф нөгтәләриндә о ҹүмләдән Мисир вә Тунисдә там гүдрәтлә иникасынын шаһидидир.
Иран халгы 32 ил өнҹә Имам Хомејни(р.ә)-ин рәһбәрлији илә Ислам Ингилабыны гәләбә илә нәтиҹәләндирди. Иран Ислам Ингилабынын гәләбәси дүнјанын зоракы вә һеҝемон гүдрәтләринин бүтүн һесабламаларыны алт-үст етди. Вә Иран Ислам Республикасы бејнәлхалг әлагәләрдәки ролуну там игтидарла нүмајиш етдирди. Лакин, Иран халгынын дүшмәнләри елә илк ҝүндән мүхтәлиф фитнәләрә әл атмаг, о ҹүмләдән дахиличәкишмәләр, етник чахнашмалар,һәрби чеврилишләр, 8 иллик мүһарибә,игтисади санксијалар, психоложи мүһарибәләр вә хәјанәтләр јолу илә Иран халгынын инкишафы јолунда манеәләр јаратмаға чалышдылар. Һәтта бу јолда Иранын нүвә алимләрини террор етмәкдән дә чәкинмәдиләр. Бүтүн бу фитнәләрин ортаг ҹәһәти Ислам Ингилабы вә Ислам Республикасыны сәһнәдән кәнарлашдырмаг иди.
Иран халгынын дүшмәнләри өтән 3 онилликдә өз мәгсәдләринә наил олмагда давамлы олараг мүвәффәгијјәтсизлијә уғрамаларыны нәзәрә алараг, инди дә өлкә дахилиндә фитнә төрәтмәк јолу илә өз истәкләринә наил олмаг истәјирләр.Өтән ил Иранда президент сечкиләриндән сонра шаһиди олдуғумуз фитнә ҹәрәјаны да елә бу планын бир парчасы иди. Лакин, Иран халгынын ајыглығы дүшмәнләри бир даһа Ислам Республикасы гурулушу гаршысында мәғлубијјәт илә үзләшдирди. Вә бу ҝүнә кими дүшмәнләрин бүтүн фитнәләри мәғлубијјәтдән башга һеч бир сонлуға малик олмајыб.
Иран Ислам Ингилабы бу ҝүн, гәләбә чалмасындан 32 ил сонра, дүнјанын зоракы вә залым гүдрәтләри гаршысында дајаныб. Вә инсани кәрамәт үзәриндә гурулмуш дин вә мәнәвијјат һакимијјәтини дини демократијанын әсас сијаси принсипи олараг гәбул едиб. Иран халгынын мүстәгиллији вә иззәтинин әсас сәбәби олан бу мүгавимәт вә мүбаризә исә дүнја халглары, хүсусилә дә мүсәлманлар үчүн ән чох зазибәдарлыға малик олан мәсәләдир. Бу арада Иран халгынын елм, етхнолоҝија, сијасәт вә мәдәнијјәт саһәләриндәки мүвәффәгијјәтләри һазырда Ислам Үммәти үчүн бир нөв конструктив үлҝүјә чеврилиб.
Һәгигәтдә Ислам Ингилабынын наилијјәтләри вә мүвәффәгијјәтләри давамлы мүгавимәт вә мүбаризәләрин нәтиҹәсидир вә Ислам Ингилабы бу макро бахыш әсасында дүнја халглары үчүн бир үлҝү вә нүмунәјә чеврилиб.
Диггәт: Хәбәрдән истифадә етдикдә мәбәјә истинад лазымдыр
