Әһли Бејт -АБНА- хәбәр аҝентлијинин вердији хәбәрә әсасән: Һејдәр Әлијев Бејнәлхалг Аеропортунда Иран президентини Азәрбајҹан баш назиринин биринҹи мүавини Јагуб Ејјубов вә диҝәр рәсми шәхсләр гаршылајыблар.
Һава лиманынын али гонаглар үчүн салонунда М. Әһмәдинежад вә Ј. Ејјубов арасында гыса протокол сөһбәти олуб.
Гејд едәк ки, сәфәрин әсас мәгсәди Хәзәрјаны өлкәләрин сабаһ Бакыда кечириләҹәк саммитиндә иштирак етмәк вә ики өлкә арасында мүнасибәтләрә даир Азәрбајҹан рәсмиләри илә данышыглар апармагдыр.
Бакыја јола дүшмәздән әввәл Иран президенти Теһранда журналистләрә ачыгламасында өлкәсинин диҝәр Хәзәрјаны дөвләтләрлә әлагәләринин ҝенишләнмәсини алгышладығыны гејд едиб. О, саһилјаны өлкәләр арасында мүнасибәтләрин ҝүҹләнмәсиндә Хәзәрин бөјүк потенсиалынын олдуғуну вурғулајыб.
М. Әһмәдинежад гејд едиб ки, Бакыја сәфәри чәрчивәсиндә Азәрбајҹанла икитәрәфли әмәкдашлыг мүнасибәтләрини, һәмчинин президент Илһам Әлијевлә реҝионал вә бејнәлхалг мәсәләләри дә мүзакирә едәҹәк.
М. Әһмәдинежады сәфәрдә хариҹи ишләр назири Манучөһр Моттәки вә енерҝетика назири Мәҹид Намжу мүшајиәт едирләр.
Диггәт: Хәбәрдән истифадә етдикдә мәнбәјә истинад лазымдыр
