Әһл Бејт - АБНА – хәбәр аҝентлији хәбәр верир : Азәрбајҹан Ислам ПартИјасынын сәдри Мөвсүм Сәмәдов Түркијәдә сәфәрдә олуб. Партијанын мәтбуат хидмәтиндән ФактХебер.ҹом-а верилән мәлумата ҝөрә, сәфәр беш ҝүн давам едиб. Сәфәрдә илк ҝөрүш Истанбулда 1978-ҹи илдән фәалијјәт ҝөстәрән “Зејнәбијјә” мәсҹидинин иҹмасы вә “Зејнәбијјә Инанҹ вә Мәдәнијјәт Мәркәзи”нин үзвләри илә кечирилиб.
АИП сәдри һәмчинин танынмыш Ислам алими Һаҹы Абдуллаһ Туран вә Сәлаһәддин Өзҝүндүзлә, “Әһлүл Бејт” дәрнәјинин рәһбәрлији вә “Көвсәр” иҹмасынын рәһбәрләри Кадир Акарас вә Муса Ҝүнәшлә ишҝүзар мүзакирәләр апарыб.
Мөвсүм Сәмәдовла Мәдәнијјәт Сијасәти Һәракатынын лидери Нуман Куртулмуш арасында рәсми ҝөрүш октјабрын 6-да, Сәадәт Партијасынын Истанбул офисиндә баш тутуб. Нуман Куртулмуш илк өнҹә бу сәмими зијарәтә ҝөрә Мөвсүм Сәмәдова өз тәшәккүрүнү билдириб. Ҝөрүшдә Н.Куртулмуш гардаш Түркијәдә баш верән иҹтимаи-сијаси просесләрдән, Түркијә халгынын рифаһы, мүстәгиллији, милли-мәнәви дәјәрләрин горунмасы вә ҝәләҹәк сәадәти уғрунда сијаси фәалијјәтиндән сөһбәт ачыб. Һәмчинин Мөвсүм Сәмәдов өлкәмиз, онун јахын кечмиши вә бу ҝүнү, түрк халгы илә халгымызын бирлији вә вәһдәти барәдә фикирләр мүбадиләләри апарыб. Гарабағ проблеминин һәллиндә түрк халгынын Азәрбајҹана дәстәји ики гардаш халгын бөјүк наилијјәти кими гијмәтләндирилиб. Ҝөрүшдә һәмчинин милли-мәнәви дәјәрләрин горунмасы, дүнјада Исламафобијанын өлкәләримиздәки тәсирләриндән данышылыб.
Сәмими шәкилдә кечән ҝөрүшүн сонунда Мөвсүм Сәмәдов, Нуман Куртулмушу Азәрбајҹана дәвәт едиб.
Диггәт : Хәбәрдән истифадә етдикдә мәнбәјә истинад лазымдыр .
