Әһл Бејт-АБНА-хәбәр аҝентлијинә верилән хәбәрә әсасән,Ливијанын хејријјә фонду тәрәфиндән Гәзза золағына јардым апармаг үчүн кирајәләнмиш Молдова ҝәмиси Исраил һәрбчиләри илә гаршыдурмаја ҝетмәјәрәк Мисирин Әл-Ариш лиманына јан алыб.
Әл-Ариш Гәзза золағындан 45 км ҹәнубда јерләшир.
Молдова бајрағы алтында Үзән вә Гәззафи фонду тәрәфиндән кирајәләнмиш ҝәмидә 2 мин тон гида вә дәрман, 9 һүгуг мүдафиәчиси вә 12 һејәт үзвү вар.
«Сәрнишинләр дәрманларла бирҝә Гәзза золағына Рәфаһ нәзарәт-бурахылыш мәнтәгәсиндән дахил олаҹаглар. Гида исә Әл-Ауҹа нәзарәт-бурахылыш мәнтәгәсиндән кечириләҹәк», дејә Әл-Ариш лиманы рәһбәрлијинин нүмајәндәси капитан Ҹамал Әбдүл Максуд билдириб.
