Әһл Бејт-АБНА-хәбәр аҝентлијинин хәбәринә әсасән АБШ Дөвләт Департаменти дүнјада инсан алвери саһәсиндә вәзијјәтлә бағлы иллик һесабатыны ачыглајыб. Һесабатда дејилир ки, Азәрбајҹан һәм инсан алвери гурбанларынын мәнбәји, һәм транзити, һәм дә гурбанларын ҝәлдији өлкәдир. Молдова, Өзбәкистан вә Газахыстандан гадынлар фаһишәликлә мәшғул олмаг үчүн Азәрбајҹан васитәсилә Түркијәјә вә Бирләшмиш Әрәб Әмирлијинә ҝөндәрилир. Гејд едәк ки, Азәрбајҹанда Украјна, Газахыстан, Русија вә Молдовадан олан гадынлар фаһишәликлә мәшғул олур.
Мәлумат үчүн билдирәк ки, Азәрбајҹанын Әмәк вә Әһалинин Сосиал Мүдафиәси назирлијинин миграсија идарәсинин рәиси Рауф Тағыјев “Американын сәси” радиосуна билдириб ки, һесабатда Азәрбајҹанда Боснија, Сербија, Македонија вә Чиндән олан кишиләрин мәҹбури әмәклҝ
мәшғул олмасы барәдә јазыланлар реаллығы әкс етдирмир. Јалныз Сербија илә бағлы мүәјјән проблемләр олуб, о да арадан галдырылыб.
