Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ијулун 26-сы Иранда Сәфәвиләр сүлаләсинин гурулмасынын илдөнүмү кими гејд едилир вә бу мүнасибәтлә Иран Ислам Ингилабынын Али Рәһбәринин мүшавири доктор Әли Әкбәр Вилајәти Шејх Сәфиәддин Әрдәбилијә һәср олунмуш аным мәрасиминә месаж ҝөндәриб.
Вилајәти мүраҹиәтиндә гејд едир:
Бисмиллаһир-Рәһманир-Рәһим
Азәрбајҹан вә Әрдәбилин гәһрәман вә зијалы халгына салам вә һөрмәтлә, Шејх Сәфиәддин Әрдәбили кими Иран вә Шиә тарихинин бәнзәрсиз шәхсијјәтинин уҹа мәгамыны јад едән бүтүн дәјәрли инсанлара тәшәккүр едирәм.
Һөрмәтли иштиракчылар, гонаглар, алимләр вә зијалылар,
Иран халгы тарих боју, хүсусилә мүасир дөврдә, сионист режим вә АБШ-нин тәҹавүзләринә гаршы мисилсиз һәмрәјлик вә бирлик нүмајиш етдириб. Бу бирлијин көкү зәнҝин Иран мәдәнијјәтинә сөјкәнир вә даим дүнја мүсәлманларына илһам вериб.
Иран мәдәнијјәтинин ики үстүн хүсусијјәти вар: 1- Мүхтәлиф гөвмләр арасында дахили вәһдәт 2- Гәдим әјјамдан тарих боју бир-биринә бағлылыг, һансылар ки, Иран халчаларынын тохумасы кими гәдим сивилизасијамызы бирләшдирир.
Иран кимлији төвһид әсасында гурулуб. Гәдимдән бу әразид иранлылар һәмишә төвһид динләринин давамчылары олублар. Бөјүк тарихчиләр, мәсәлән Шәһристани вә Мәсуди гејд едирләр ки, һәтта гәдим Иран һөкмдарлары Ибраһим (ә) илә әлагәләндирилир. Ислам ҝәлдикдә - иранлылар, әввәлләр төвһид дини олан Зәрдүштлүјә мәнсуб идиләр - бу Илаһи дини бөјүк севҝи илә гәбул етдиләр. Мараглыдыр ки, тарихи рәвајәтләрә ҝөрә, Зәрдүшт өзү дә Азәрбајҹан мәншәлидир.
Тарих боју иранлылар һәмишә зүлмә гаршы мүбаризәдә өнҹүл олублар. Әбу Мүслим Хорасанинин Бәни-Үмәјјәјә гаршы үсјанындан тутмуш Хаҹә Нәсирәддин Тусинин монгол дөврүндә сәјләринә вә Сәфәвиләрдән өнҹәки Шиә һәрәкатларына гәдәр һамысы бу халгын әдаләт руһунун тәзаһүрүдүр. Амма бу јолун дөнүш нөгтәси Сәфәви дөвләтинин јаранмасы олду ки, Шаһ Исмајылын тәшәббүсү илә вә Шејх Сәфиәддин Әрдәбилинин тәлимләри илә формалашды.
Шејх Сәфиәддин Әрдәбили, бу бөјүк ариф вә фәзиләтли фигһ алими, нәсли Имам Муса Казыма (әлејһи сәлам) ҝедиб чыхан бир шәхсијјәт, јалныз Сәфәвиләр сүлаләсинин гуруҹусу дејил, һәм дә ирфан, Шиәлик вә милли гүруру бирләшдирәрәк әсрләр боју парчаланмыш Ираны вәһдәтә ҝәтирди. О, буҝүнкү Иран мәдәнијјәтиндә һәлә дә јашанан институтлары јаратды.
Бу ҝүн дә, кечмишдә олдуғу кими, дүшмәнләр “Зәнҝәзур дәһлизи” кими игтисади инкишаф маскасы алтында Иранын әрази бүтөвлүјүнү зәифләтмәк истәјирләр. Амма биз тарихимизин шәрәфли сәһифәләриндән вә Шејх Сәфиәддинин јолу вәситәсилә Иранын парчаланмасына јөнәлән һәр ҹүр һијләнин гаршысында мөһкәм дајанаҹағыг. Неҹә ки, бу бөјүк ариф өз дөврүндә тәфригәјә гаршы чыхды, бу ҝүн дә Иран халгы өз бирлији илә дүшмәнләрин планларыны позаҹаг.
Руһу шад олсун, јолу давамлы.
Әли Әкбәр Вилајәти
Sizin rəyiniz