АБНА24 Хәбәр Верир, Һәзрәт Фатмеји-Мәсумә(с.ә)-нын пак һәрәми мүгәддәс Гум шәһәриндә јерләшир. Бу шәһәр дүнја шиәләринин једдинҹи имамы, Имам Муса Казим(ә)-ын гызы Һәзрәт Фатмеји-Мәсумә(с.ә)-нын вәфатынын илдөнүмү ҝеҹәсиндә матәмә гәрг олубдур. Бу шәһәрин әһалиси матәм нишанәси олараг, гара бајраглар санҹмагла Исламын бу мөһтәрәм ханымына, һәмчинин паклыг Әһли-Бејти(ә) ханәданына өз мәһәббәт вә һөрмәтини ифадә едир. Ислами Иран халгы һәр ил Һәзрәт Фатмеји-Мәсумә(с.ә)-нын вәфатынын илдөнүмү ҝеҹәсиндә һүсејнијјәләр, мәсҹидләр вә о һәзрәтин Гум шәһәриндәки пак һәрәминдә вә Имам Рза(ә)-ын мүгәддәс Мәшһәд шәһәриндәки пак зијарәтҝаһында олараг, әзадарлыг едир ки, бу ил коронавирус пандемијасына ҝөрә, бу мәрасимләр виртуал вә дистант зијарәт формасында кечирилир. Бу ҝеҹә дә сәһијјә протоколларына риајәтә ҝөрә, Һәзрәт Фатмеји-Мәсумә(с.ә)-нын пак һәрәминдә хүсуси чыхыш вә мәддаһлыг тәдбирләри медиа формасында вә әһалинин иштиракы олмадан кечирилир. Иран Ислам Республикасынын ТелеРадио Тәшкилаты Һәзрәт Фатмеји-Мәсумә(с.ә)-нын вәфатынын илдөнүмү ҝүнүнүн ҝәлиб чатмасы мүнасибәтилә бүтүн мүсәлманлара, хүсусән дүнја шиәләринә башсағлығы верир.
342/
