Әһли Бејт - АБНА – Хәбәр Аҝентлијинин вердији хәбәрә әсасән, Азәрбајҹана рәсми сәфәр едән Һәсән Руһани дин хадимләри илә ҝөрүшдә вәһдәтлә бағлы мүһүм мәсәләләрә тохунуб.
Һәсән Руһани билдириб ки, бу ҝүн дин ады алтында төрәдилән ҹинајәтләрин әсл мәгсәди Исламафобијаны артырмагдыр: "Бу ҝүн дүнјада тәәссүфләр олсун ки, бир груп террорчунун вә гатилин Ислам дүшмәнләри тәрәфиндән дәстәкләндијинин шаһиди олуруг. Мүсәлманларын бир-бири илә тоггушмасына вә ҝәнҹ мүсәлманларын јолларыны азмасына иҹазә вермәмәлијик".
Исламын сүлһ вә гардашлыг дини олдуғуну хатырладан Һәсән Руһани, ҹәмијјәти тәһлүкәли тәригәтләрдән горумаг үчүн дин хадимләринин бојнуна ағыр јүк дүшдүјүнү диггәтә чатдырыб.
"Азәрбајҹаны вә Ираны бир-бири илә мөһкәм сахлајан Ислам, Гурани-Кәрим вә Әһлибејтдир (ә)", дејән Һәсән Руһани ики өлкәнин бир чох ортаг дәјәрә саһиб олдуғуну билдириб.
Һәсән Руһани шиә вә сүнни мүсәлманларын бир-бири илә гардаш вә Ислам дүнјасынын парчасы олдуғуну гејд едәрәк, террорчулуға гаршы бүтүн мүсәлманларын бирләшмәси лазым олдуғуну вурғулајыб.
ИШИД-ин Ирага һүҹум етмәсинә дә тохунан Һәсән Руһани белә данышыб: "Иран ИШИД-ин Бағдады вә Әрбили әлә кечирмәсинә иҹазә вермәди. Дүнјанын истәнилән нөгтәсиндә мүсәлманларын јардыма еһтијаҹы олдуғуну ҝөрсәк онлара көмәк етмәјә чалышарыг. Чүнки биз бу ҝүн Ислам дүнјасынын бу проблемләрдән тәмизләнмәсини өзүмүзә вәзифә тәјин етмишик".
Диггәт: Хәбәрдән истифадә етдикдә мәнбәјә истинад лазымдыр.
