Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш сионист исраил режимин баш назири Бенјамин Нетанјаһу дејиб: "Бизим ики дүшмәнимиз вар; бири Иран вә вәкилләри тәрәфиндән идарә олунан Шиә Исламы, диҝәри исә индилик ИШИД тәрәфиндән идарә олунан сүнни Исламдыр.”
Ганунсуз исраил режиминин хүсуси хидмәт органы "Моссад”ын гурулушунун 65-ҹи или мүнасибәти илә кечирилән тәдбирдә чыхыш едән Нетанјаһу гурумун Ислам дүнјасы вә үмумибәшәријјәтә вурдуғу ҹинајәтләрдән данышараг дејиб: "Моссадын бизим үчүн әвәзолунмаз бөјүк әһәмијјәти вар. Онун, Исраилин реҝионал вә глобал ҝүҹ јаратмасы јөнүндәки габилијјәтиндә мәркәзи јери вар. Нәтиҹәдә "Моссад” Исраилин варлығынын тәминатыдыр”.
Дүнја сионизиминин дәстәк вердикләри вә малијјә ҝүҹү илә әмәллә ҝәтирдикләри сәләфи тәкфирчиләрини пак вә мүгәддәс Шиә Исламы илә бөјүк мәһарәтлә ејни сәвијјәдә тутан Б. Нетанјаһо ганунсуз исраил режиминин әсас ики дүшмәни олдуғуну ачыглајараг дејиб: "Бу ҝүн бизим әсас ики дүшмәнимиз вар; бири Иран вә вәкилләри тәрәфиндән идарә олунан Шиә Исламы, диҝәри исә индилик ИШИД тәрәфиндән идарә олунан сүнни Исламдыр. Бу икиси бир-бири илә дөјүшүр. Амма әсас олан бир шеј вар ки, Ислам дүнјасында бизим јеримиз јохдур. Буну белә ҝөрүрләр”.
Дүнјада баш верән анти-сионист просесләрәдн вә сијаси ојанышдан да данышан Нетанјаһу ишғалчы исраилин бу просесләрә интеграсијасы үчүн садәҹә реҝионал ҝүҹ олмасынын кифајәт етмәјәҹәјини, бәзи саһәләрдә глобал ҝүҹ олмаға мәҹбур олдуғуну вурғулајыб: "Артыг дүнјада бөјүк јениликләр олур. Бунлардан ән әһәмијјәтлиси кибер технолоҝијадыр. Артыг Исраили дә кибер ҝүҹ һесаб етмәк олар.”
Диггәт: Хәбәрдәнистифадәетдикдәмәнбәјәистинадлазымдыр
